-
కలెక్టర్ ఇలా త్రిపాఠి
నల్గొండ అర్బన్, వెలుగు : ఆడపిల్లలు చదువుతోపాటు అన్నిరంగాల్లో రాణించాలని కలెక్టర్ ఇలా త్రిపాఠి సూచించారు. జాతీయ బాలికా దినోత్సవం సందర్భంగా శుక్రవారం జిల్లా మహిళా శిశు సంక్షేమ శాఖ ఆధ్యర్యంలో నల్లగొండలోని క్లాక్ టవర్ వద్ద ర్యాలీని జెండా ఊపి కలెక్టర్ ప్రారంభించారు. ఈ సందర్భంగా బేటి బచావో.. బేటి పడావోపై ఏర్పాటు చేసిన పోస్టర్ ను ఆవిష్కరించారు.
అనంతరం ఆమె మాట్లాడుతూ ఆడ పిల్లలను చదివించాలని, వారు చదువుకుంటే ఏదైనా సాధ్యమేనన్నారు. బేటీ బచావో..- బేటీ పడావో పదేండ్లు పూర్తి చేసుకున్న సందర్భంగా పాఠశాలలు, కళాశాలలు, వసతి గృహాలు, అంగన్వాడీ కేంద్రాల్లో మహిళలు, విద్యార్థినులకు మార్చి 8 వరకు భ్రూణ హత్యల నివారణ, బాలికా విద్యను పోత్సహించడం, మహిళా సాధికారతపై అవగాహన కార్యక్రమాలు నిర్వహించనున్నట్లు తెలిపారు. అనంతరం మహిళలతో ప్రతిజ్ఞ చేయించారు.
బాలికలు భవితకు సోపానం..
యాదాద్రి, వెలుగు : యాదాద్రి జిల్లాలో జాతీయ బాలికల దినోత్సవం ఘనంగా జరిగింది. కలెక్టరేట్లో నిర్వహించిన కార్యక్రమంలో అడిషనల్ కలెక్టర్గంగాధర్మాట్లాడుతూ బాలికలు భారం కాదని, భవితకు సోపానం అని అన్నారు. కార్యక్రమంలో భాగంగా వివిధ స్కూల్స్కు చెందిన స్టూడెంట్స్ కళారూపాలు ప్రదర్శించారు. స్టాప్ వయోలెన్స్, సేవ్ గర్ల్స్ అంటూ స్టూడెంట్స్ ప్రదర్శించిన నృత్య ప్రదర్శన ఆహుతులను ఆకట్టుకున్నాయి. ఈ సందర్భంగా విద్యార్థులకు వ్యాసరచన, ఆటల పోటీలు నిర్వహించారు. ప్రతిభ కనబర్చిన స్టూడెంట్స్కు బహమతులు అందించారు.
