సిద్దిపేట రూరల్, వెలుగు: జిల్లా కేంద్రంలోని ఇందిరా నగర్ జడ్పీ హై స్కూల్ ను మంగళవారం కలెక్టర్మనుచౌదరి సందర్శించి స్టూడెంట్స్, టీచర్ల హాజరుపట్టికను తనిఖీ చేశారు. వంటగదిని పరిశీలించి స్టూడెంట్స్కు మధ్యాహ్న భోజనం వండేటప్పుడు పరిశుభ్రతకు ప్రాధాన్యం ఇవ్వాలన్నారు. అనంతరం సైన్స్ ల్యాబ్, కంప్యూటర్ ల్యాబ్, రోబోటిక్ ల్యాబ్ ను పరిశీలించి స్టూడెంట్స్ప్రయోగాలను చూశారు. కొత్త ఆవిష్కరణలు రూపొందించేలా శాస్త్రీయ ఆలోచన పెంపొందించుకోవాలని స్టూడెంట్స్కు సూచించారు. కార్యక్రమంలో జిల్లా విద్యాశాఖ సెక్టోరల్ అధికారి రామస్వామి, టీచర్లు ఉన్నారు.
మౌలిక వసతుల కల్పనకు చర్యలు
కోహెడ: కేజీబీవీలో మౌలిక వసతుల కల్పనకు చర్యలు తీసుకుంటామని కలెక్టర్ మనుచౌదరి హామీ ఇచ్చారు. మండలంలోని తంగళ్లపల్లి కేజీబీవీని ఆకస్మికంగా తనిఖీ చేశారు. స్టూడెంట్స్కి కల్పిస్తున్న సౌకర్యాలను పరిశీలించారు. టెన్త్ క్లాస్స్టూడెంట్స్తో మాట్లాడి వారి జ్ఞానాన్ని తెలుసుకున్నారు. అనంతరం స్కూల్లో మొక్కలు నాటారు. ఆయన వెంట తహసీల్దార్ సురేఖ, ఎంపీడీవో కృష్ణయ్య, ఏఈ సాయి ఉన్నారు.
