- హెల్త్ ఆఫీసర్ల తీరుపై కలెక్టర్ జితేశ్ పాటిల్ సీరియస్
- ఆర్అండ్బీ శాఖ ఆఫీసర్లకు షోకాజు నోటీసు
కామారెడ్డి, వెలుగు: కామారెడ్డి జిల్లా దిశ మీటింగ్ నామమాత్రంగా సాగింది. కేంద్ర ప్రభుత్వ పథకాలు, అభివృద్ధి పనులకు సంబంధించి 22 అంశాలపై చర్చించాల్సి ఉండగా, 85 నిమిషాల్లో ఎడ్యుకేషన్, డీఆర్డీఏ, పంచాయతీరాజ్, ఆర్అండ్బీ, సివిల్సప్లయ్, ఎలక్ట్రిసిటీ, ప్లానింగ్, ఆర్అండ్బీ, పంచాయతీరాజ్, పబ్లిక్హెల్త్, ఐసీడీఎస్ తదితర 11 అంశాలపై మాత్రమే చర్చించారు. మరో 11 ముఖ్యమైన అంశాలు ప్రస్తావనకు రాకుండానే సమావేశం ముగిసింది. ప్రతీ మూడు నెలలకోసారి దిశ మీటింగ్ నిర్వహించాల్సి ఉండగా, ఏడు నెలల అనంతరం సమావేశం నిర్వహించారు. ఈ మీటింగ్లోనైనా అన్ని అంశాలపై చర్చిస్తారని సభ్యులు భావించగా, నిరాశే మిగిలింది. కామారెడ్డి కలెక్టరేట్లో జహీరాబాద్ ఎంపీ బీబీ పాటిల్ అధ్యక్షతన జరిగిన మీటింగ్లో కలెక్టర్ జితేశ్వి పాటిల్, అడిషనల్ కలెక్టర్లు మను చౌదరి, చంద్రమౌళి, డీఆర్డీవో సాయన్న, జిల్లా ఆఫీసర్లు అటెండయ్యారు.
ఎన్నిసార్లు చెప్పాలి..
సీహెచ్ సీ సెంటర్లలో ఉన్న అంబులెన్స్లకు డ్రైవర్లను నియమించాలని ఎంపీ బీబీపాటిల్ చాలాసార్లు ప్రస్తావించినా, హెల్త్ డిపార్ట్మెంట్ఆఫీసర్లు ఎందుకు శ్రద్ధ పెట్టడం లేదని కలెక్టర్ జితేశ్ వి పాటిల్ సీరియస్ అయ్యారు. జుక్కల్ నియోజకవర్గంలోని మద్నూర్, బిచ్కుంద సీహెచ్సీల్లో అంబులెన్స్లు ఉన్నా, డ్రైవర్లు లేక నిరూపయోగంగా ఉన్నాయని ఎంపీ బీబీపాటిల్ ఆఫీసర్లను నిలదీశారు. 108 డ్రైవర్లను వినియోగించుకునే దానిపై పరిశీలిస్తామని డీసీహెచ్వో విజయలక్ష్మీ, డీఎంహెచ్వో లక్ష్మణ్సింగ్సమాధానమిచ్చారు. కొత్తగా నియమకాలు కాకుండా 108 నుంచి కేటాయించేలా తక్షణమే చర్యలు తీసుకోవాలని కలెక్టర్ఆదేశించారు.
కొత్త రేషన్కార్డులివ్వకపోతే ఎట్లా?
కొత్త రేషన్ కార్డులు ఇవ్వకపోతే ఎట్లా అని అధికార పార్టీకి చెందిన ఎంపీపీ బాలమణి ఆఫీసర్లను ప్రశ్నించారు. అప్లికేషన్లు తీసుకుంటారని చెప్పడంతో చాలామంది మీ–సేవా సెంటర్లకు వెళ్లి వాపస్వస్తున్నారని, ఇలా అయితే ప్రభుత్వానికి చెడ్డపేరు వస్తుందన్నారు. కార్డులో కొత్తగా పేర్లు చేర్చడం లేదని పలువురు ఎంపీపీలు ప్రస్తావించారు. రామారెడ్డి మండలం నుంచి కామారెడ్డికి టీచర్ను డిప్యూటేషన్వేశారని, కనీసం తమకు సమాచారం ఇవ్వకుండా స్టూడెంట్స్ఎక్కువగా ఉన్న చోటు నుంచి ఎలా పంపిస్తారని ఎంపీపీ దశరథ్రెడ్డి డీఈవో రాజుపై ఫైరయ్యారు. డిప్యూటేషన్రద్దు చేయాలని కలెక్టర్ డీఈవోకు సూచించారు. నాగిరెడ్డిపేట మండలంలోని రెండు చోట్ల మిడ్డే మిల్స్ఏజన్సీలు మధ్యాహ్న భోజనం పెట్టడం మానేశాయిన, దీంతో స్టూడెంట్స్ ఇబ్బందులు పడుతున్నారని, సమస్యను వెంటనే పరిష్కరించాలని ఎంపీపీ రాజ్దాస్ పేర్కొన్నారు. మండలాఫీసుల్లో చేపట్టే పలు ప్రభుత్వ కార్యక్రమాలకు సంబంధించి తమకు సమాచారం ఇవ్వడం లేదని పలువురు ఎంపీపీలు ప్రశ్నించారు.
ఆర్అండ్బీ ఆఫీసర్లకు షోకాజ్ నోటీసు..
ఆర్అండ్బీ పనులపై సంబంధిత అధికారులు సరైన వివరాలు తెలపడం లేదని, పనుల్లో ప్రోగ్రెస్ చూపడం లేదని కలెక్టర్ జితేశ్ వి పాటిల్ఆగ్రహం వ్యక్తం చేశారు. సంబంధిత ఆఫీసర్లకు షోకాజ్ నోటీసు జారీ చేస్తున్నట్లు ఆయన చెప్పారు. జుక్కల్ నియోజకవర్గంలో చేపట్టిన రోడ్డు పనుల వివరాలు సరిగ్గా లేవని ఎంపీ, కలెక్టర్ అసహనం వ్యక్తం చేశారు
