భద్రాద్రికొత్తగూడెం, వెలుగు : జలశక్తి అభియాన్ను పక్కాగా అమలు చేసేలా చర్యలు చేపట్టాలని కలెక్టర్ జితేశ్ వి పాటిల్ఆఫీసర్లను ఆదేశించారు. కలెక్టరేట్లో పలు శాఖ అధికారులతో జలశక్తి అభియాన్ అమలుపై శనివారం నిర్వహించిన రివ్యూ మీటింగ్లో ఆయన మాట్లాడారు. ‘వాన నీటిని ఒడిసి పట్టుకుందాం.. భూగర్భ జలాన్ని పెంపొందిద్దాం’ అనే నినాదంతో ప్రజల భాగస్వామ్యంతో ఆఫీసర్లు అవసరమైన చర్యలు చేపట్టాలన్నారు.
‘క్యాచ్ ద రైన్ వెన్ ఇట్ ఫాల్స్’ అనే అంశంపై కేంద్ర ప్రభుత్వం ఇచ్చిన మార్గదర్శకాలను అమలు చేయాలన్నారు. నీటి సంరక్షణ ప్రాముఖ్యత గురించి ప్రజలకు అవగాహన కల్పించాలన్నారు. ఇంకుడు గుంతల నిర్మాణాలపై ప్రజల్లో అవేర్ నెస్ తీసుకురావాలన్నారు. చెరువుల పునరుద్ధరణ, నీటి సంరక్షణ చర్యలు, వాటర్ షెడ్లు, అడవుల పెంపకం, వాటర్ మేనేజ్మెంట్చర్యలను ముమ్మరంగా చేపట్టాలన్నారు. మహిళా సంఘాలను భాగస్వామ్యం చేయాలని సూచించారు. ఈ ప్రోగ్రాంలో జిల్లా అటవీశాఖాధికారి కిష్టాగౌడ్, జడ్పీ సీఈవో కె. చంద్రశేఖర్, అడిషనల్కలెక్టర్ విద్యాచందన, పలు శాఖల అధికారులు శ్రీనివాసరావు, ఎన్.రవి, బాబూరావు, సూర్యనారాయణ పాల్గొన్నారు.
వదరలతో అలర్ట్గా ఉండాలి
గోదావరిలోకి వరద ఉధృతి గంట గంటకు పెరుగుతున్న క్రమంలో లోతట్టు ప్రాంతాల ప్రజలు అలర్ట్గా ఉండాలని కలెక్టర్ సూచించారు. ప్రజలను పునరావాస కేంద్రాలకు తరలించేందుకు ఆఫీసర్లు చర్యలు చేపట్టాలన్నారు.
