- భద్రాద్రికొత్తగూడెం కలెక్టర్ జితేశ్ వి పాటిల్
భద్రాద్రికొత్తగూడెం, వెలుగు : ఇందిరమ్మ మోడల్ హౌస్ నిర్మాణాల కోసం ల్యాండ్ గుర్తించాలని కొత్తగూడెం, భద్రాచలం ఆర్డీవోలను కలెక్టర్ జితేశ్ వి పాటిల్ ఆదేశించారు. గురువారం కలెక్టరేట్ నుంచి పలు శాఖల ఆఫీసర్లతో ఆయన వీడియో కాన్ఫరెన్స్ నిర్వహించారు. ల్యాండ్ గుర్తించడంతో పాటు మోడల్ హౌస్ నిర్మాణాలను త్వరగా చేపట్టేలా ఆఫీసర్లు చర్యలు చేపట్టాలన్నారు.
నెలాఖరులోగా ఇందిరమ్మ ఇండ్ల సర్వేను మొబైల్ యాప్ ద్వారా సర్వే పూర్తి చేయాలన్నారు. దరఖాస్తు దారులు ఒకచోట నివసిస్తూ వారికి వేరే చోట స్థలం ఉంటే ఆ వివరాలను ప్రత్యేకంగా నమోదు చేయాలని చెప్పారు. ఎక్కువ దరఖాస్తులున్న ప్రాంతాల్లో అదనపు సిబ్బందిని కేటాయించాలని ఆదేశించారు.
‘గ్రూప్2’కు ఏర్పాట్లు చేయాలి
ఈ నెల 15,16న నిర్వహించే గ్రూప్ 2 ఎగ్జామ్కు ఏర్పాట్లు చేయాలని కలెక్టర్ ఆఫీసర్లను ఆదేశించారు. జిల్లాలో 38 సెంటర్లలో 13,465 మంది ఎగ్జామ్కు అటెండ్ కానున్నారని తెలిపారు. 40శాతం డైట్ చార్జీలను పెంచిన క్రమంలో స్టూడెంట్స్కు క్వాలిటీ ఫుడ్ అందించాలన్నారు.
