- కలెక్టర్ క్రాంతి
సంగారెడ్డి (హత్నూర), వెలుగు: స్టూడెంట్స్ కు నాణ్యమైన విద్య, భోజనం అందించాలని కలెక్టర్ క్రాంతి అధికారులను ఆదేశించారు. శనివారం హత్నూర మండలంలోని తహసీల్దార్ ఆఫీసు,రెసిడెన్షియల్ హాస్టల్, కేజీబీవీని ఆకస్మికంగా తనిఖీ చేశారు. భోజనం ఎలా ఉందని స్టూడెంట్స్ను అడిగి తెలుసుకున్నారు. మెనూ ప్రకారం భోజనం అందించాలని ప్రిన్సిపాల్ ను ఆదేశించారు. పీహెచ్సీ తనిఖీ చేసి రోగులతో మాట్లాడారు.
సీజనల్ వ్యాధుల పట్ల అప్రమత్తంగా ఉండాలన్నారు. సంగారెడ్డి, హత్నూరలో నిర్మిస్తున్న ఏటీసీ భవన నిర్మాణ పనులను పరిశీలించారు. తొలివిడతగా మంజూరైన ఐటీసీలలో ప్రవేశాలు చేపట్టినందున ఈ భవన నిర్మాణ పనులకు వేగంగా పూర్తి చేయించాలని అధికారులను ఆదేశించారు. కార్యక్రమంలో తహసీల్దార్, ఫరిన్ షేక్, ఎంపీడీవో శంకర్, ఆర్ఐ శ్రీనివాస్, సర్వేయర్ శ్రీనివాస్, తదితరులు పాల్గొన్నారు.
