మంచిర్యాల, వెలుగు: వర్షాకాలంలో వచ్చే సీజనల్ వ్యాధుల పట్ల ప్రభుత్వ, ప్రైవేట్ డాక్టర్లు అలర్ట్గా ఉండాలని కలెక్టర్ కుమార్ దీపక్ ఆదేశించారు. శనివారం డీఎంహెచ్వో హరీశ్ రాజ్, జీజీహెచ్ సూపరింటెండెంట్ హరిశ్చంద్రారెడ్డితో కలిసి డాక్టర్లతో సీజనల్ వ్యాధులు, క్లినికల్ ఎస్టాబ్లిష్మెంట్ యాక్ట్పై రివ్యూ నిర్వహించారు. జిల్లా, మండల, ఉప కేంద్రాల పరిధిలో టాస్క్ఫోర్స్ కమిటీలను ఏర్పాటు చేయాలన్నారు. ప్రైవేట్ హాస్పిటల్స్ యాజమాన్యాలు రూల్స్ పాటించాలని, డెంగ్యూ కేసులు నమోదైతే డీఎంహెచ్వోకు సమాచారం అందించాలని సూచించారు.
దోమల నివారణకు పంచాయతీ, మున్సిపాలిటీల సమన్వయంతో చర్యలు చేపట్టాలని, ప్రభావిత గ్రామాల్లో మెడికల్ క్యాంపులు ఏర్పాటు చేయాలన్నారు. లింగ నిర్ధారణ పరీక్షలు చేయకుండా చర్యలు చేపట్టాలని, స్కానింగ్ సెంటర్లను పర్యవేక్షించా లని ఆదేశించారు. అనంతరం ‘సిజేరియన్లు వద్దు.. సాధారణ ప్రసవాలు ముద్దు’ అనే పోస్టర్లను కలెక్టర్ రిలీజ్ చేశారు. ప్రోగ్రామ్ అధికారులు ఎస్.అనిత, ప్రసాద్, సుధాకర్, కోటేశ్వరరావు, ఐఎంఏ జిల్లా ప్రెసిడెంట్ డాక్టర్ పి.రమణ, డెంటల్ అసోసియేషన్ సభ్యుడు శ్రీనివాస్, మాస్ మీడియా అధికారి వెంకటేశ్వర్లు పాల్గొన్నారు.
