యాదాద్రి, వెలుగు : మానసిక ఆందోళనకు గురై ఒత్తిడికి లోనవుతున్న వారికి సరైన సమయంలో ట్రీట్మెంట్అందించాలని కలెక్టర్హనుమంతు జెండగే వైద్యులకు సూచించారు. వారి ఆరోగ్యం పట్ల ఎప్పటికప్పుడు శ్రద్ధ చూపాలన్నారు. ఈ విషయంలో డాక్టర్లకు అవగాహన కల్పించాలని అన్నారు. మానసిక ఆరోగ్య మాసోత్సవంలో భాగంగా కలెక్టరేట్లో నిర్వహించిన ట్రైనింగ్కార్యక్రమంలో ఆయన మాట్లాడారు.
మానసిక ఒత్తడికి గురవుతున్న వారి కోసం 14416 టోల్ ఫ్రీ నెంబర్ ఏర్పాటు చేసినట్టు తెలిపారు. అనంతరం గుండాల మండలం పాచిల్ల మోడల్ హైస్కూల్ ను కలెక్టర్ ఆకస్మికంగా తనిఖీ చేసి హాజర్ రిజిస్ట్రర్ను పరిశీలించారు. ఇంటర్ మొదటి సంవత్సరం చదువుతున్న విద్యార్థులతో కలెక్టర్ ముచ్చటించారు. సబ్జెక్టుల వారీగా వివరాలు అడిగి తెలుసుకున్నారు.
ఆయిల్పామ్ లక్ష్యం సాధించాలి..
నిర్దేశించిన లక్ష్యానికి అనుగుణంగా ఆయిల్పామ్ సాగు చేయాలని కలెక్టర్అధికారులను ఆదేశించారు. కలెక్టరేట్లో నిర్వహించిన రివ్యూ మీటింగ్లో ఆయన మాట్లాడారు. ఈ ఏడాదిలో జిల్లావ్యాప్తంగా 25,00 ఎకరాల్లో సాగు చేయాలని నిర్దేశించగా, ఇప్పటివరకు 650 ఎకరాల్లో మొక్కలు నాటినట్టు చెప్పారు. రైతులను ప్రోత్సహించి మిగిలిన లక్ష్యాన్ని పూర్తి చేయాలని సూచించారు.
గడిచిన రెండేండ్లలో 3,500 ఎకరాల్లో సాగు చేసినట్టు తెలిపారు. ఆయా కార్యక్రమాల్లో డీఎంహెచ్వో యశోధ, సైక్రియాట్రిస్ట్ డాక్టర్ప్రీతి స్వరూప్, డాక్టర్మనోహర్, గుండాల తహసీల్దార్ జలకుమారి, ప్రిన్సిపాల్ రాము, అడిషనల్ కలెక్టర్ బెన్షాలోమ్, డీఏవో గోపాల్, హార్టికల్చర్ ఆఫీసర్ సుభాషిణి తదితరులు పాల్గొన్నారు.
