తిమ్మాపూర్, వెలుగు: జిల్లా రవాణా శాఖా ఆఫీసులో ఏర్పాటు చేసిన చిల్డ్రన్స్ పార్క్ను మరింత అభివృద్ధి చేస్తామని కలెక్టర్ పమేలాసత్పతి అన్నారు. తిమ్మాపూర్ మండలకేంద్రంలోని చిల్డ్రన్స్ పార్క్ను గురువారం మోడల్ స్కూల్ విద్యార్థులు సందర్శించారు. ముందుగా విద్యార్థులతో కలిసి ట్రాఫిక్ పార్క్ను కలెక్టర్ పరిశీలించారు. అనంతరం ఆమె మాట్లాడుతూ రాష్ట్రంలో ఎక్కడా లేనివిధంగా జిల్లాలో చిల్డ్రన్స్ ట్రాఫిక్ అవేర్‌‌‌‌‌‌‌‌నెస్‌ పార్క్ను ఏర్పాటు చేయడం సంతోషంగా ఉందన్నారు. అడిషనల్ కలెక్టర్ ప్రఫుల్‌‌‌‌దేశాయ్, డీటీసీ పురుషోత్తం, డీఈవో జనార్ధనరావు, డీటీవో శ్రీకాంత్ చక్రవర్తి పాల్గొన్నారు.
మార్చి 8 వరకు ఎన్నికల కోడ్
కరీంనగర్ టౌన్, వెలుగు: మార్చి 8 వరకు ఎమ్మెల్సీ ఎన్నికల కోడ్అమలులో ఉంటుందని కలెక్టర్ పమేలాసత్పతి అన్నారు. గురువారం కలెక్టరేట్‌‌‌‌లో ఎన్నికల కోడ్ అమలుపై రాజకీయపార్టీల ప్రతినిధులతో రివ్యూ మీటింగ్‌ నిర్వహించారు. ఈ సందర్భంగా ఆమె మాట్లాడుతూ కరీంనగర్, మెదక్, నిజామాబాద్, ఆదిలాబాద్, గ్రాడ్యుయేట్‌ ఎమ్మెల్సీ స్థానంలో ర్యాలీలు, సమావేశాలకు తప్పనిసరిగా అనుమతి తీసుకోవాలని సూచించారు.
సంతాప సభ
ఇటీవల పంచాయతీరాజ్ ఈఈ చంద్రశేఖర్ చనిపోయారు. గురువారం కరీంనగర్ జడ్పీలో నిర్వహించిన సంతాపసభలో కలెక్టర్ పాల్గొన్నారు. చంద్రశేఖర్ ఫొటోకు పూలమాల వేసి నివాళులు అర్పించారు. ఈ సందర్భంగా మాట్లాడుతూ బాధిత కుటుంబానికి అండగా ఉంటామని భరోసానిచ్చారు. ఈఈతో అనుబంధాన్ని గుర్తు చేసుకున్నారు.
