ప్రజావాణి వినతులపై నిర్లక్ష్యం వద్దు : కలెక్టర్​ రాహుల్​రాజ్​

• అధికారులను ఆదేశించిన కలెక్టర్లు

మెదక్​టౌన్, వెలుగు: ప్రజావాణి వినతులపై నిర్లక్ష్యం చూపొద్దని వాటిని అక్కడికక్కడే పరిష్కరించాలని కలెక్టర్​ రాహుల్​రాజ్​అధికారులకు సూచించారు. సోమవారం మెదక్​కలెక్టర్​ఆఫీసులోఅడిషనల్​కలెక్టర్​వెంకటేశ్వర్లుతో కలిసి వినతులు స్వీకరించారు. ఈ సందర్భంగా కలెక్టర్​మాట్లాడుతూ.. ప్రజావాణికి మొత్తం 212 అర్జీలు రాగా అందులో డబుల్ బెడ్ రూమ్ ఇళ్ల కోసం10, ధరణి భూ సమస్యలు-63, పింఛన్లకు సంబంధించి -35, రైతు రుణమాఫీ-16, ఉపాధి కోసం 5, ఇతర సమస్యలు-83 వచ్చాయని తెలిపారు. 

సంగారెడ్డి టౌన్: ప్రజావాణి దరఖాస్తులను వెంటనే పరిష్కరించేలా అధికారులు చొరవ చూపాలని కలెక్టర్ క్రాంతి అధికారులను ఆదేశించారు. సంగారెడ్డి కలెక్టరేట్ లో ప్రజల నుంచి 86 అర్జీలను స్వీకరించారు. ఇందులో రెవెన్యూ 56, సర్వ్ ల్యాండ్ రికార్డు 2,  డీఆర్డీవో 4,  ఎంప్లాయ్​మెంట్,  వ్యవసాయ శాఖ 9,   మిషన్ భగీరథ్1,  పంచాయతీ రాజ్ 3,  మున్సిపాలిటీ 6 , శిశు సంక్షేమ శాఖ, గ్రామీణాభివృద్ధి, ఆరోగ్యశాఖ1, పోలీస్ శాఖ 3, యువజన సంక్షేమ శాఖ 1 ఉన్నాయి. కార్యక్రమంలో అదనపు కలెక్టర్లు చంద్రశేఖర్, మాధురి, అధికారులు పాల్గొన్నారు.

సిద్దిపేట రూరల్: ప్రజావాణి దరఖాస్తులను ఎప్పటికప్పుడు పరిష్కరిస్తూ దరఖాస్తుదారులకు న్యాయం చేయాలని కలెక్టర్ మను చౌదరి అధికారులను ఆదేశించారు. సిద్దిపేట కలెక్టరేట్ లో ఆయన అడిషనల్ కలెక్టర్ గరిమా అగర్వాల్​తో కలిసి అర్జీదారుల నుంచి ఫిర్యాదులు స్వీకరించారు. ఈ సందర్భంగా కలెక్టర్​మాట్లాడుతూ.. భూ సంబంధిత, ఆసరా పింఛన్లు, తదితర సమస్యలతో మొత్తం 37 దరఖాస్తులు అందాయని తెలిపారు. అనంతరం పార్టీ ఆఫీస్ కు స్థలం కేటాయించాలని కోరుతూ బీఎస్పీ సిద్దిపేట నియోజకవర్గ అధ్యక్షుడు పుల్లూరు ఉమేశ్ కలెక్టర్​కు వినతిపత్రం అందజేశారు. 

ఈ సందర్భంగా ఆయన మాట్లాడుతూ తమ పార్టీకి పట్టణంలో 500 గజాల ప్రభుత్వ భూమిని కేటాయించాలని కోరారు. అలాగే హుస్నాబాద్ లోని అక్రమ కట్టడాల పై వినతి పత్రాలను అందజేశారు. కార్యక్రమంలో జిల్లా ప్రధాన కార్యదర్శి శంకర్, జిల్లా ఈసీ మెంబర్ మహేశ్​ పాల్గొన్నారు. కార్యక్రమంలో డీఆర్​వో నాగరాజమ్మ, డీఆర్డీఏపీడీ జయదేవ్ ఆర్యా, ఎవో అబ్దుల్ రహమాన్ 
పాల్గొన్నారు.