మెదక్, వెలుగు: క్షేత్రస్థాయి పర్యటనలో భాగంగా కలెక్టర్ రాహుల్రాజ్ బుధవారం చేగుంట మండలం రెడ్డిపల్లిలోని కేజీబీవీని ఆకస్మికంగా తనిఖీ చేశారు. స్టోర్ రూమ్, కూరగాయల నాణ్యత, పప్పు దినుసులు, ఆహారపదార్థాలను క్షుణ్ణంగా పరిశీలించారు. అనంతరం ఆయన మాట్లాడుతూ.. మెనూ ప్రకారం స్టూడెంట్స్కు నాణ్యమైన భోజనం అందించాలని సూచించారు. కాలం చెల్లిన సరుకులు వాడవద్దని వీటివల్ల ఫుడ్ పాయిజన్ జరిగే అవకాశాలు ఉన్నాయన్నారు. వండిన తర్వాత ఆహార పదార్థాలను టేస్ట్ చేసిన తర్వాత స్టూడెంట్స్కు వడ్డించాలన్నారు.
జిల్లాలోని సంక్షేమ, రెసిడెన్షియల్, స్కూళ్లు, హాస్టళ్లు, అంగన్వాడీ సెంటర్ల పర్యవేక్షణకు జిల్లాస్థాయిలో అడిషనల్కలెక్టర్, డివిజనల్ స్థాయిలో ఆర్డీవో, మండల స్థాయిలో ప్రత్యేక అధికారులతో కమిటీలు ఏర్పాటు చేసినట్టు తెలిపారు. ఆయన వెంట ఆర్డీవో జయచంద్రారెడ్డి, తహసీల్దార్ నారాయణ, కేజీబీవీస్పెషల్ఆఫీసర్శ్రీవాణి ఉన్నారు.
