- కలెక్టర్ రాహుల్ రాజ్
రేగొడ్, వెలుగు: రేషన్కార్డుల జారీ నిరంతర ప్రక్రియ అని కలెక్టర్రాహుల్రాజ్ అన్నారు. గురువారం ఆయన మండల పరిధిలోని పలు గ్రామాల్లో నిర్వహించిన గ్రామసభల్లో పాల్గొన్నారు. ఈ సందర్భంగా కలెక్టర్ మాట్లాడుతూ..అర్హుల పేర్లు లబ్ధిదారుల లిస్టులో లేకపోతే మళ్లీ దరఖాస్తు చేసుకోవచ్చన్నారు. ఇందిరమ్మ ఆత్మీయ భరోసాకు కనీసం 20 రోజులు ఉపాధి హామీ పనుల హాజరు ఉండాలన్నారు. సంక్షేమ పథకాలపై ఎలాంటి అపోహలు పెట్టుకోవద్దన్నారు.
మర్పల్లి ప్రైమరీ స్కూల్లో చిన్నారులతో ముచ్చటించి వారికి ప్రశ్నలు వేసి సామర్థ్యాలను పరీక్షించారు. ఈజీఎస్ పరిధిలో ఉన్న టాయిలెట్ పనులు పూర్తి కాలేదని వాటిని పూర్తి చేయించాలని టీచర్సుప్రియ కలెక్టర్ దృష్టికి తీసుకువచ్చారు. కార్యక్రమంలో తహసీల్దార్ నరేశ్, ఎంపీడీవో సీతారామమ్మ, పీసీసీ కిషన్, కాంగ్రెస్ మండల ప్రెసిడెంట్ దిగంబర్, సీనియర్ నాయకులు నరేందర్, కో -ఆప్షన్ మెంబర్చోటుమియా, ఆర్ఐ ఫిరోజ్, అగ్రికల్చర్ ఆఫీసర్ జావిద్ పాల్గొన్నారు.
ప్రభుత్వ భవనాల నిర్మాణాలకు స్థల పరిశీలన
అల్లాదుర్గం: మండల కేంద్రంలో ప్రభుత్వ భవనాల నిర్మాణం కోసం కలెక్టర్రాహుల్రాజ్స్థలపరిశీలన చేశారు. క్షేత్రస్థాయిలో అనుకూలంగా ఉండే స్థలాలను గుర్తించి చర్యలు చేపడతామన్నారు. అల్లాదుర్గం మండల కేంద్రంలో ఎస్టీవో ఆఫీస్, ఫైర్ స్టేషన్, ఐసీడీఎస్, ఎంపీడీవో ఆఫీసులతో పాటు గురుకులం, ప్రభుత్వ ఐటీఐ భవనాలు నిర్మిస్తున్నట్లు తెలిపారు. కార్యక్రమంలో తహసీల్దార్ మల్లయ్య, ఆర్ఐ సందీప్, సర్వేయర్ రాజు, ప్రజాప్రతినిధులు పాల్గొన్నారు
