మెదక్,కొల్చారం, వెలుగు: సన్నబియ్యం పేదలకు వరమని కలెక్టర్ రాహుల్రాజ్అన్నారు. సోమవారం ఆయన కొల్చారం మండలం రాంపూర్లో సన్న బియ్యం లబ్ధిదారు దుర్గరాజు ఇంట్లో అధికారులతో కలిసి భోజనం చేశారు. కలెక్టర్మాట్లాడుతూ ప్రభుత్వం రేషన్ కార్డు కలిగిన లబ్ధిదారులకు సన్న బియ్యం పంపిణీ పథకం ప్రవేశ పెట్టడం శుభపరిణామమన్నారు. రాంపూర్ లో విస్తృతంగా పర్యటించి సన్న బియ్యం పథకం లబ్ధిదారులతో మాట్లాడి బియ్యం ఎలా ఉన్నాయని అడిగి తెలుసుకున్నారు.
ఈ సందర్భంగా దుర్గరాజు కుటుంబ సభ్యులు సన్న బియ్యం పథకం తమ కుటుంబానికి ఎంతోమేలు చేస్తుందని తెలిపారు. డీపీవో యాదయ్య, అధికారులు పాల్గొన్నారు.
