పాపన్నపేట, వెలుగు: విద్యా వ్యవస్థను బలోపేతం చేసేందుకు అన్ని చర్యలు తీసుకుంటున్నామని కలెక్టర్ రాహుల్ రాజ్ తెలిపారు. గురువారం పాపన్నపేట మండలం చిన్న కోడూరు హై స్కూల్, షెడ్యూల్ కులాల బాలుర వసతి గృహాన్ని సందర్శించారు. స్టూడెంట్స్భోజన శాల, స్టోర్ రూంను పరిశీలించారు. మెనూ అమలు తీరు గురించి హెచ్ఎంను అడిగి తెలుసుకున్నారు. అనంతరం టీచర్ గా మారి స్టూడెంట్స్కు పాఠాలు బోధించారు. స్టూడెంట్స్ఉన్నత చదువులు చదివి రాబోయే తరానికి ఆదర్శంగా నిలవాలన్నారు.
గురుకులాల్లో అడ్మిషన్లకు దరఖాస్తు ఆహ్వానం
మెదక్టౌన్: గిరిజన సంక్షేమ గురుకుల స్కూళ్లలో అడ్మిషన్ల కోసం దరఖాస్తు చేసుకోవాలని కలెక్టర్ రాహుల్ రాజ్ సూచించారు. మెదక్కలెక్టర్ ఆఫీసులో గిరిజన సంక్షేమ గురుకుల పోస్టర్ను ఆవిష్కరించారు. ఈ సందర్భంగా కలెక్టర్ మాట్లాడుతూ ఫిబ్రవరి 1లోపు అప్లై చేసుకోవాలన్నారు. కార్యక్రమంలో అడిషనల్కలెక్టర్ నగేశ్, రీజనల్ కో-ఆర్డినేటర్ గంగరామ్ నాయక్, జిల్లా కో-ఆర్డినేటర్ శ్రీనివాస్ రాయ్, కౌడిపల్లి స్కూల్ప్రిన్సిపాల్ ఫణికుమార్, ఉదయ్ పాల్గొన్నారు.
