మెదక్, వెలుగు: ప్రజావాణి అర్జీలను పెండింగ్లో పెట్టొద్దని కలెక్టర్రాహుల్రాజ్అధికారులను ఆదేశించారు. సోమవారం మెదక్ కలెక్టరేట్లో నిర్వహించిన ప్రజావాణి కార్యక్రమంలో అడిషనల్ కలెక్టర్ నగేశ్, డీఆర్ వో భుజంగరావు, జడ్పీ సీఈవో ఎల్లయ్య, డీఆర్డీవో శ్రీనివాసరావు, ఇతర శాఖల అధికారులతో కలిసి ప్రజల నుంచి అర్జీలు స్వీకరించారు. ఈ సందర్భంగా కలెక్టర్మొత్తం 61 అర్జీలు వచ్చినట్లు తెలిపారు. వీటిలో 3 పింఛన్లు, 20 ధరణి సమస్యలు, 11 ఇందిరమ్మ ఇండ్లు, ఇతర సమస్యలు 27 ఉన్నాయి. ఈ సందర్భంగా కలెక్టర్ మాట్లాడుతూ.. ప్రజావాణికి వచ్చిన అర్జీలను ప్రాధాన్యత క్రమంలో పరిష్కరించేలా చర్యలు తీసుకోవాలని అధికారులకు సూచించారు. మండల స్థాయిలో తప్పకుండా ప్రజావాణి కార్యక్రమాన్ని నిర్వహించాలన్నారు.
సంగారెడ్డి టౌన్: ప్రజావాణికి వచ్చిన దరఖాస్తులను వెంటనే పరిష్కరించాలని కలెక్టర్క్రాంతి అధికారులను ఆదేశించారు. సోమవారం సంగారెడ్డి కలెక్టరేట్లో అధికారులతో కలిసి ప్రజల నుంచి వినతులు స్వీకరించారు. ఈ సందర్భంగా కలెక్టర్మాట్లాడుతూ.. ప్రజల నుంచి 85 దరఖాస్తులు వచ్చినట్లు తెలిపారు. వివిధ శాఖల అధికారులు దరఖాస్తులను పరిశీలించి వేగంగా పరిష్కరించాలన్నారు. కార్యక్రమంలో అడిషనల్ కలెక్టర్ మాధురి, డీఆర్వో పద్మజారాణి, ఆర్డీవో రవీందర్ రెడ్డి, ఇతర శాఖల అధికారులు
పాల్గొన్నారు.
సిద్దిపేట టౌన్: ప్రజావాణికి వచ్చిన సమస్యలను పరిష్కరించి రిపోర్ట్ను కలెక్టర్ఆఫీసులో అందించాలని అడిషనల్ కలెక్టర్అబ్దుల్హమీద్ అధికారులకు సూచించారు. సిద్దిపేట కలెక్టరేట్ లో నిర్వహించిన ప్రజావాణి కార్యక్రమంలో భాగంగా జిల్లా అధికారులతో కలిసి ప్రజల నుంచి వినతులు స్వీకరించారు. ఈ సందర్భంగా మొత్తం 96 దరఖాస్తులు వచ్చినట్లు తెలిపారు. జర్నలిస్టు పిల్లలకు ప్రైవేట్స్కూల్స్లో 50 శాతం రాయితీ ఇవ్వాలని కోరుతూ దళిత, గిరిజన వర్కింగ్ జర్నలిస్ట్ సంగం రాష్ట్ర కన్వీనర్ వనం రమేశ్ అడిషనల్ కలెక్టర్ కు వినతిపత్రం అందజేశారు.
2022-23 లో డైరీ ఫామ్ఏర్పాటు కోసం ప్రభుత్వం నుంచి తమకు శాంక్షన్ లెటర్ వచ్చిందని, కానీ ఇప్పటివరకు సబ్సిడీ అమౌంట్, బర్లు రాలేదని దుబ్బాక మున్సిపాలిటీ 4వ వార్డుకు చెందిన దళిత కుటుంబాల సభ్యులు అడిషనల్ కలెక్టర్ అబ్దుల్ హమీద్ కు విన్నవించారు. కార్యక్రమంలో డీఆర్వో నాగరాజమ్మ, ఏవో అబ్దుల్ రహమాన్ వివిధ శాఖల జిల్లా అధికారులు పాల్గొన్నారు.
