మెదక్టౌన్, వెలుగు: మెదక్ కలెక్టరేట్లో బుధవారం బతుకమ్మ వేడుకలు నిర్వహిస్తున్నట్లు కలెక్టర్ రాహుల్రాజ్తెలిపారు. మంగళవారం కలెక్టర్ఆఫీసులో వివిధ శాఖల అధికారులతో సమావేశం నిర్వహించారు.
ఈ సందర్భంగా కలెక్టర్మాట్లాడుతూ.. బుధవారం కలెక్టర్ ఆఫీసు ఆవరణలో తెలంగాణ సంస్కృతి, సంప్రదాయాలకు అద్దం పట్టేలా వేడుకలు నిర్వహిస్తామని తెలిపారు. ఉదయం యువజన క్రీడల శాఖ ఆధ్వర్యంలో టూ కే రన్, డీఆర్డీవో, మెప్మా ఆధ్వర్యంలో సంప్రదాయ వంటకాల ప్రదర్శన ఉంటుందన్నారు. అడిషనల్కలెక్టర్వెంకటేశ్వర్లు, ఆర్డీవో రమాదేవి, జడ్పీ సీఈవో ఎల్లయ్య, డీఆర్డీవో పీడీ శ్రీనివాస్రావు, మెప్మా పీడీ ఇందిర పాల్గొన్నారు.
