- జిల్లా వ్యాప్తంగా 387 కొనుగోలు కేంద్రాలు ఏర్పాటు
మెదక్టౌన్, వెలుగు: మెదక్ జిల్లా వ్యాప్తంగా ఖరీఫ్ ధాన్యం కొనుగోలు కేంద్రాల పర్యవేక్షణకు టాస్క్ ఫోర్స్ కమిటీలను ఏర్పాటు చేయనున్నట్లు కలెక్టర్ రాహుల్ రాజ్ తెలిపారు. జిల్లా వ్యాప్తంగా 387 కొనుగోలు కేంద్రాలను ఏర్పాటు చేయడంతో పాటు ప్రత్యేకంగా టోల్ ఫ్రీ నెంబర్ ఏర్పాటు చేసినట్లు ఆయన తెలిపారు. మంగళవారం మెదక్లోని కలెక్టరేట్‌‌లో జిల్లాలోని వ్యవసాయ శాఖల, సంబంధిత శాఖల అధికారులతో సమీక్ష సమావేశం నిర్వహించారు. ఈ సందర్భంగా కలెక్టర్ రాహుల్ రాజ్ మాట్లాడుతూ.. మెదక్ జిల్లాలో రైతులకు ఇబ్బందులు కలగకుండా కొనుగోలు కేంద్రాల వద్ద అన్ని రకాల సౌకర్యాలు కల్పిస్తామన్నారు. క్వింటాలుకు గ్రేడ్- ఏ రకానికి రూ.2,320 , సాధారణ రకానికి రూ.2,300 ధర ఉందన్నారు.
జిల్లా వ్యాప్తంగా ఉన్న కొనుగోలు కేంద్రాల వద్ద సమస్యలను పరిష్కరించడానికి కలెక్టరేట్ కార్యాలయంలో టోల్ ఫ్రీ నెంబర్ 9281103685 నంబర్ ఏర్పాటు చేసినట్లు కలెక్టర్ రాహుల్రాజ్ వివరించారు. అక్టోబర్ మూడో వారం నుంచి కేంద్రాల ద్వారా ధాన్యం కొనుగోలు చేస్తున్నట్లు తెలిపారు. దీంతో పాటు జిల్లాలో 109 రైస్మిల్లులకు గాను 66 మిల్లులను బ్లాక్లిస్టులో పెట్టామని... జిల్లాలో 43 మిల్లులకు మాత్రమే 1 లక్ష 40 వేల మెట్రిక్ టన్నుల ధాన్యం మిల్లులకు కేటాయిస్తామని చెప్పారు. సమీక్ష సమావేశంలో జిల్లా అడిషనల్ కలెక్టర్ వెంకటేశ్వర్లు, డీఆర్డీవో శ్రీనివాస్, సివిల్ సప్లయి డీఎం హరికృష్ణ, జిల్లా పౌరసరఫరాల అధికారి సురేశ్ఊ రెడ్డి, లీగల్ మెట్రాలజీ అధికారి సుధాకర్, డీసీవో కరుణ, మార్కెటింగ్, రవాణా, సంబంధిత శాఖల అధికారులు తదితరులు పాల్గొన్నారు.
