పాపన్నపేట, వెలుగు: ప్రభుత్వ ఆస్పత్రులకు వచ్చే రోగులకు అత్యుత్తమ వైద్య సేవలందించాలని కలెక్టర్ రాహుల్ రాజ్ సూచించారు. శుక్రవారం ఆయన మండలంలోని పోడ్చక్పల్లి ప్రైమరీ హెల్త్సెంటర్ను ఆకస్మికంగా తనిఖీ చేశారు. ఈ సందర్భంగా పీహెచ్ సీ లోని ల్యాబ్, మందుల గది, ఇన్ పేషెంట్ వార్డ్, బెడ్స్, టాయిలెట్స్, వాక్సినేషన్ మొదలైన వాటిని పరిశీలించారు.
దవాఖానకు రోజు ఎంత మంది రోగులు వస్తున్నారని, ఈ నెలలో ఎన్ని డెలివరీలు చేశారని వైద్యాధికారులని అడిగి తెలుసుకున్నారు. అనంతరం కలెక్టర్ మాట్లాడుతూ.. హాస్పిటల్ కు వచ్చే రోగులకు సీజనల్ వ్యాధులపై అవగాహన కల్పించాలని, వ్యక్తిగత , పరిసరాల పరిశుభ్రతపై వివరించాలని సూచించారు. కార్యక్రమంలో సిబ్బంది శ్రీనివాస్రెడ్డి, అలీ, భద్రప్ప ఉన్నారు.
ఆధ్యాత్మిక చింతన కలిగి ఉండాలి
ప్రతి ఒక్కరూ ఆధ్యాత్మిక చింతన కలిగి ఉండాలని కలెక్టర్రాహుల్రాజ్అన్నారు. శుక్రవారం కుటుంబ సమేతంగా ఏడుపాయల ఆలయాన్ని సందర్శించారు. ఈ సందర్భంగా ఆలయ అధికారులు ఆయనకు పూర్ణకుంభంతో స్వాగతం పలికారు. అనంతరం భవానీ మాతను దర్శించుకొని ప్రత్యేక పూజలు చేశారు. ఆలయ సిబ్బంది తీర్థప్రసాదాలు అందించారు. అలాగే మెదక్ జిల్లా జడ్జి లక్ష్మి శారద, మాజీ ఎమ్మెల్యే శశిధర్రెడ్డి ఏడుపాయల సందర్శించి ఆలయంలో ప్రత్యేక పూజలు
నిర్వహించారు.
విజయానికి ప్రతీక దసరా పండుగ
మెదక్ టౌన్: విజయానికి ప్రతీక దసరా పండుగ అని కలెక్టర్రాహుల్రాజ్ అన్నారు. శనివారం దసరా పండగను పురస్కరించుకొని జిల్లా ప్రజలు, అధికారులు, నాయకులకు శుభాకాంక్షలు తెలిపారు. ఈ సందర్భంగా కలెక్టర్మాట్లాడుతూ.. ప్రతి ఒక్కరూ మంచి మార్గంలో పయనించినట్లయితే విజయం వారిని తప్పకుండా వరిస్తుందని చెప్పారు.
