ఆదిలాబాద్టౌన్, వెలుగు: జర్నలిస్టులకు ఇండ్ల స్థలాలు అందేలా చూడాలని టీయూడబ్ల్యూజే–ఐజేయూ జిల్లా కన్వీనర్ పి.దేవీదాస్, కోకన్వీనర్ ఎం.రాజేశ్వర్ కలెక్టర్ రాజర్షి షాను కోరగా ఆయన సానుకూలంగా స్పందించారు. శుక్రవారం సంఘం నాయకులు కలెక్టర్ క్యాంపు కార్యాలయంలో కలెక్టర్ను మర్యాదపూర్వకంగా కలిసి సన్మానించారు.
ఈ సందర్భంగా సంఘం న్యూ ఇయర్ డైరీని కలెక్టర్ ఆవిష్కరించారు. జర్నలిస్ట్ జేఏసీ అధ్యక్షుడు దేవేందర్, సంఘం నాయకులు సూది నరేశ్, వినోద్, అస్మత్, రమాకాంత్, రాజేశ్, అరుణ్, రాజ్ కిరణ్, జగన్, నర్సింగ్ తదితరులు పాల్గొన్నారు.
