ఆదిలాబాద్ టౌన్, వెలుగు: జూన్4న జరిగే లోక్సభ ఎన్నికల కౌటింగ్ ఏర్పాట్లను పకడ్బందీగా చేపట్టాలని ఆదిలాబాద్ జిల్లా ఎన్నికల అధికారి, కలెక్టర్ రాజర్షి షా ఆదేశించారు. పట్టణంలోని టీటీడీసీలో ఏర్పాటు చేసిన ఎన్నికల కౌంటింగ్ కేంద్రాలను మంగళవారం ఆయన సహాయ రిటర్నింగ్ అధికారి ఖుష్బూ గుప్తా, అడిషనల్కలెక్టర్ శ్యామలాదేవితో కలిసి పరిశీలించారు. కౌంటింగ్ కేంద్రం పరిసర ప్రాంతాల్లో వాహనాల పార్కింగ్, హాజరయ్యే ప్రభుత్వ సిబ్బంది, పోటీలో ఉన్న అభ్యర్థులు, కౌంటింగ్ ఏజెంట్లు, ఇతర సిబ్బంది కోసం ఏడు అసెంబ్లీ నియోజకవర్గాల సెంటర్ల వద్ద తాగునీరు, టాయిలెట్స్, తదితర సదుపాయాలు, మీడియా పాయింట్, సైన్ బోర్డ్స్ , సీసీ కెమెరాలు ఏర్పాటు చేయాలని ఆదేశించారు.
అనంతరం ఈవీఎంలను భద్రపరిచిన స్ట్రాంగ్ రూమ్ల వద్ద పోలీస్ భద్రతను, సీసీ కెమెరాల పనితీరును, పోలీస్ సిబ్బంది విధుల నిర్వహణ తీరును పరిశీలించారు. స్ట్రాంగ్ రూమ్ల వద్ద భద్రత కట్టుదిట్టంగా ఉండాలని, నిరంతరం అప్రమత్తంగా ఉండాలని సూచించారు. ఆయన వెంట ఎన్నికల అధికారులు, సిబ్బంది ఉన్నారు.
