నిజామాబాద్ సిటీ, వెలుగు : ప్రజావాణిలో ప్రజలు అందజేసిన దరఖాస్తులను వెంటనే పరిశీలించి పరిష్కరించాలని కలెక్టర్ రాజీవ్ గాంధీ హనుమంతు అధికారులను ఆదేశించారు. కలెక్టరేట్లో సోమవారం నిర్వహించిన ప్రజావాణి కార్యక్రమంలో 82 మంది అర్జీలు అందజేశారు. కలెక్టర్, అదనపు కలెక్టర్లు అంకిత్, కిరణ్ కుమార్, ట్రైనీ కలెక్టర్ సంకేత్ కుమార్, డీఆర్డీఓ సాయాగౌడ్ అర్జీలు స్వీకరించారు. సమస్యలను సత్వరమే పరిష్కరించాలని అధికారులను కలెక్టర్ ఆదేశించారు.
కామారెడ్డిలో 65 ఫిర్యాదులు
కామారెడ్డి టౌన్, వెలుగు : కామారెడ్డి కలెక్టరేట్లో సోమవారం నిర్వహించిన ప్రజావాణిలో 65 మంది దరఖాస్తులు అందజేశారు. కలెక్టర్ ఆశిశ్సంగ్వాన్ప్రజల నుంచి దరఖాస్తులు స్వీకరించారు. ఈ సందర్భంగా ఆయన మాట్లాడుతూ.. ఫిర్యాదులను పరిశీలించి పరిష్కరించాలని ఆయా శాఖల ఆఫీసర్లను ఆదేశించారు. జడ్పీ సీఈవో చందర్, డీఆర్డీవో సురేందర్, వివిధ శాఖల ఆఫీసర్లు పాల్గొన్నారు.
కంట్రోల్ రూమ్ఏర్పాటు
వడ్ల కొనుగోలు సెంటర్ల సమస్యలపై ఫిర్యాదు చేయటానికి కామారెడ్డి కలెక్టరేట్లో కంట్రోల్ రూమ్ ఏర్పాటు చేశారు. కంట్రోల్రూమ్ను సోమవారం కలెక్టర్ప్రారంభించారు. సమస్యలపై 08468-220051కు ఫిర్యాదు చేయాలని సూచించారు.
