బోధన్,వెలుగు: తెలంగాణ,-మహారాష్ట్ర బార్డర్లోని సాలూరా చెక్పోస్టును బుధవారం కలెక్టర్ రాజీవ్గాంధీ హన్మంతు, సీపీ సత్యానారయణ తనిఖీ చేశారు. ఈ సందర్భంగా కలెక్టర్ మాట్లాడుతూ ఎన్నికల కోడ్ అమలులోకి రావడంతో సరిహద్దులోని పోతంగల్, సాలూర, ఖండ్ గావ్, కందకుర్తి ప్రాంతాలలో అంతరాష్ట్ర చెక్పోస్టులు ఏర్పాటు చేశామన్నారు. చెక్పోస్టుల గుండా వెళ్లే ప్రతి వాహనాన్ని క్షణంగా తనిఖీ చేస్తామన్నారు.
జిల్లాలో కూడా నిరంతరంగా వాహనాలు తనిఖీలు నిర్వహిస్తామన్నారు. ఎలాంటి ఆధారాలు లేకుండా క్యాష్, మద్యం తీసుకవెళ్లితే సీజ్ చేస్తామన్నారు. జిల్లా వ్యాప్తంగా పోలీసు, రెవెన్యూ, ఎక్సైజ్, అటవీశాఖల ఆధ్వర్యంలో ప్రతి మండలానికి ఫ్లయింగ్ స్కాడ్ను నియమించామన్నారు. అన్ని శాఖల అధికారులు సమన్వయంతో పనిచేయాలని సూచించారు. తనిఖీల్లో సామాన్య ప్రజలకు ఇబ్బందులు కలుగకుండా చూడాలన్నారు. తనిఖీలకు ప్రజలు సహకరించాలని ఆయన కోరారు. కార్యక్రమంలో ఆర్డీవో రాజాగౌడ్, ఏసీపీ కిరణ్కుమార్, అధికారులు ఉన్నారు.
