- వైన్స్షాపుల్లో సీసీ కెమెరాల ఏర్పాటు
- కలెక్టర్ రాజీవ్గాంధీ హన్మంతు
నిజామాబాద్, వెలుగు: ఎన్నికల వేళ జిల్లాలో రూ.83.84 లక్షల విలువైన అక్రమ మద్యం నిల్వలను స్వాధీనం చేసుకున్నట్లు కలెక్టర్ రాజీవ్ గాంధీ హన్మంతు తెలిపారు. 102 వైన్స్షాపుల్లో సీసీ కెమెరాలు ఏర్పాటు చేసి అమ్మకాలను పర్యవేక్షిస్తున్నామన్నారు. కేంద్రం ఎన్నికల సంఘం తరఫున శనివారం జిల్లాకు వచ్చని ఎన్నికల వ్యయ పరిశీలకుల కోసం నోడల్ ఆఫీసర్లతో నిర్వహించిన మీటింగ్ లో కలెక్టర్ మాట్లాడారు. ఎన్నికల నిబంధనల అమలు తీరును పవర్పాయింట్ ద్వారా పరిశీలకులకు తెలిపారు.
మొత్తం 36 మండలాల్లో 1549 పోలింగ్కేంద్రాలు ఏర్పాటు చేశామని, పార్టీల వారిగా ప్రచార ఖర్చుల పర్యవేక్షణకు గ్రౌండ్ లెవల్ టీమ్లను నియమించామన్నారు. డబ్బుల పంపిణీ లేదా ఓటర్లను ప్రభావితం చేసే చర్యలకు సంబంధించి 1950 టోల్ఫ్రీ నెంబర్కు ఫిర్యాదులు వచ్చిన వెంటనే ఎఫ్ఎస్ టీ, ఎస్ఎస్టీ బృందాలను పంపుతున్నామన్నారు. ఈ రెండు టీమ్ల వాహనాలకు అధునాతన కెమెరాలు పెట్టి, కంట్రోల్ రూమ్నుంచి సూపర్ వైజ్ చేస్తున్నామన్నారు. ఎంపిక చేసిన నాలుగు అంతర్రాష్ట్ర సరిహద్దు చెక్పోస్టుల్లోనూ సీసీ కెమెరాలు పెట్టించామన్నారు.
వ్యయ పరిశీలకులు..
కేంద్ర ఎన్నికల సంఘం తరఫున జిల్లాకు నియమితులైన వ్యయ పరిశీలకుల వివరాలను కలెక్టర్ రాజీవ్గాంధీ హన్మంతు తెలిపారు. నిజామాబాద్ అర్బన్, రూరల్ సెగ్మెంట్లకు అబ్జర్వర్గా పాటిల్ చిన్మయ్ప్రభాకర్(సెల్8332021903) , బాల్కొండ, ఆర్మూర్నియోజకవర్గాల పరిశీలకురాలిగా ఎ.శక్తి (సెల్8332021809), బోధన్కు తాన్యాసింగ్(సెల్8332021892) వ్యవహరిస్తున్నారు. ప్రతిరోజు సాయంత్రం 4 గంటల నుంచి 5 గంటల వరకు పౌరులకు అందుబాటులో ఉంటారని, నేరుగా కలువొచ్చన్నారు.
