నిజామాబాద్, వెలుగు : పర్యావరణ రక్షణ కోసం వన మహోత్సవ ప్రోగ్రాంలో అన్ని వర్గాలను భాగస్వాములను చేసి సక్సెస్ చేయాలని కలెక్టర్ రాజీవ్ గాంధీ హన్మంతు సూచించారు. మూడు వారాలు ఈ అంశానికి టాప్ ప్రయారిటీ ఇవ్వాలన్నారు. శుక్రవారం ఆయన తన కార్యాలయంలో ఫారెస్ట్, ఇతర శాఖలతో మీటింగ్ నిర్వహించి మాట్లాడారు. రోడ్లకు ఇరువైపులా ఖాళీ ప్రదేశాలను గుర్తించి మొక్కలు నాటాలన్నారు.
చెరువులు, కాలువ కట్టలపై పెద్ద ఎత్తున మొక్కలు నాటి ఆన్లైన్లో జియో ట్యాగ్ చేయాలన్నారు. ప్రతి రోజు ప్రగతి నివేదిక తనకు అందించాలని కోరారు. ఎంపీ, ఎమ్మెల్సీ, ఎమ్మెల్యే, మున్సిపల్ పాలక సభ్యులను మండల స్పెషల్ ఆఫీసర్లు ఇందులో కీలక పాత్ర పోషించాలన్నారు. అదనపు కలెక్టర్ అంకిత్, నగర పాలక కమిషనర్ మంద మకరంద్ తదితరులు ఉన్నారు.
జడ్పీ స్పెషల్ ఆఫీసర్‌‌‌‌‌‌‌‌‌‌‌‌‌‌‌‌గా కలెక్టర్
నిజామాబాద్, వెలుగు : జిల్లా పరిషత్ స్పెషల్ఆఫీసర్‌‌‌‌‌‌‌‌‌‌‌‌‌‌‌‌గా రాజీవ్గాంధీ హన్మంతు శుక్రవారం బాధ్యతలు స్వీకరించారు. సీఈవో ఉషా ఆయనకు పుష్పగుచ్చం ఇచ్చి స్వాగతం పలింకారు. జడ్పీ వివరాలను తెలుసుకొని అత్యవసర కావాల్సిన అంశాలపై చర్చించారు. పంచాయతీరాజ్ ఎస్ఈ శంకర్ తదితరులున్నారు. జిల్లా పరిషత్ పాలకవర్గం పదవీకాలం ముగియడంతో కలెక్టర్‌‌‌‌‌‌‌‌‌‌‌‌‌‌‌‌ను స్పెషల్ ఆఫీసర్‌‌‌‌‌‌‌‌‌‌‌‌‌‌‌‌గా నియమిస్తూ గవర్నమెంట్ఆదేశాలు జారీ చేసింది.
