స్టేషన్ఘన్పూర్, వెలుగు: ప్రభుత్వం ప్రజారోగ్య సంరక్షణకు అధిక ప్రాధాన్యత ఇస్తోందని, ప్రభుత్వ ఆస్పత్రుల్లో డాక్టర్లు 24 గంటలు అందుబాటులో ఉండాలని కలెక్టర్ రిజ్వాన్ బాషా షేక్ఆదేశించారు. జనగామ జిల్లా స్టేషన్ ఘన్పూర్క్లస్టర్హస్పిటల్(సామాజిక ఆరోగ్య కేంద్రం)ను శుక్రవారం కలెక్టర్ తనిఖీ చేశారు. ఓపీ వార్డు, ఐపీ వార్డు, ఏఎన్సీ క్లినిక్లను తనిఖీ చేశారు. డాక్టర్లు, సిబ్బంది అటెండెన్స్ రిజిస్టర్ను పరిశీలిం చారు.
హాస్పిటల్లో అందుతున్న వైద్య సేవలపై పేషెంట్లను అడిగి తెలుసుకున్నారు. ఓపీ సేవలను మెరుగైన రీతిలో అందించాలని సూచించారు. అనంతరం స్టేషన్ఘన్పూర్ మండలంలోని ఇప్పగూడెం, చాగల్లు, స్టేషన్ ఘన్పూర్ గ్రామాలల్లో రేషన్ కార్డుల జారీ కోసం ప్రభుత్వం నిర్వహిస్తోన్న సర్వేను పరిశీలించారు. ఆర్డీవో వెంకన్న, ఎంపీడీవో విజయశ్రీ, తహసీల్దార్ వెంకటేశ్వర్లు, మెడికల్ సూపరిటెండెంట్ డాక్టర్ సంధ్యరాణి, మెడికల్ ఆఫీసర్జనార్దన్, డాక్టర్లు, సిబ్బంది పాల్గొన్నారు
