జగిత్యాల టౌన్, వెలుగు: ప్రమాద సమయంలో ప్రాణాలు కాపాడటంలో సీపీఆర్, ఫస్ట్ ఎయిడ్ కీలకమని కలెక్టర్ సత్య ప్రసాద్, ఎస్పీ అశోక్‌‌‌‌‌‌‌‌‌‌‌‌‌‌‌‌కుమార్‌ అన్నారు. మంగళవారం రోడ్డు భద్రత వారోత్సవాల్లో భాగంగా జిల్లా పోలీస్ ఆఫీసులో దుకాణదారులు, పెట్రోల్‌ బంక్‌, హోటల్స్‌ సిబ్బంది.. తదితరులకు సీపీఆర్, ఫస్ట్ ఎయిడ్‌‌‌‌‌‌‌‌‌‌‌‌‌‌‌‌పై శిక్షణ కార్యక్రమం నిర్వహించారు.
ఈ సందర్భంగా కలెక్టర్ మాట్లాడుతూ ప్రతిఒక్కరూ శిక్షణలో నేర్చుకున్న అంశాలను ప్రమాదాలు జరిగిన సందర్భంలో ఉపయోగించి ప్రాణాలు కాపాడాలన్నారు. అనంతరం వారికి సీపీఆర్, ఫస్ట్ ఎయిడ్ శిక్షణ, ఫస్ట్ ఎయిడ్ కిడ్స్ పంపిణీ చేశారు. కార్యక్రమంలో డీఎంహెచ్‌‌‌‌‌‌‌‌‌‌‌‌‌‌‌‌వో శ్రీనివాస్, ఐఎంఏ సెక్రటరీ శ్రీనివాస్, మెడికల్ కాలేజీ ప్రొఫెసర్లు, సిఐలు, ఎస్ఐలు, తదితరులు పాల్గొన్నారు.
మెట్‌‌‌‌‌‌‌‌‌‌‌‌‌‌‌‌పల్లి, వెలుగు: మెట్‌‌‌‌‌‌‌‌‌‌‌‌‌‌‌‌పల్లి పట్టణంలోని హిందూ శ్మశానవాటికలో పెరిగిన పిచ్చి చెట్లు, చెత్తాచెదారాన్ని తొలగించాలని కలెక్టర్ బి.సత్యప్రసాద్ బల్దియా కమిషనర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను ఆదేశించారు. బుధవారం మెట్ పల్లి పట్టణంలోని అంబేద్కర్ మినీ స్టేడియం, డంపింగ్ యార్డ్, శ్మశాన వాటికలను ఆయన తనిఖీ చేశారు. ఈ సందర్భంగా మాట్లాడుతూ మినీ స్టేడియంలో నిలిచిపోయిన అభివృద్ధి పనుల వివరాలు అడిగి తెలుసుకున్నారు. పనులు పూర్తి చేయడంలో నిర్లక్ష్యంగా వ్యవహరించడంపై డీఈ పై ఆగ్రహం వ్యక్తం చేశారు. కలెక్టర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌వెంట ఆర్డీవో శ్రీనివాస్, కమిషనర్ మోహన్, టీపీవో రాజేంద్ర ప్రసాద్ తదితరులు పాల్గొన్నారు.
