![బొల్లికొండ ప్రైమరీ స్కూల్లో ఒక స్టూడెంట్.. ఇద్దరు టీచర్లు](https://static.v6velugu.com/uploads/2024/07/collector-satyasharada-conducted-a-surprise-inspection-of-ps-in-bollikonda_xiHjzsmBMq.jpg)
- ఆకస్మిక తనిఖీలో కలెక్టర్ ఆశ్చర్యం
నెక్కొండ, వెలుగు : అది వరంగల్ జిల్లా నెక్కొండ మండలంలోని బొల్లికొండ ప్రైమరీ స్కూల్. ఇక్కడ ఐదు తరగతులు ఉండగా ఆరుగురు విద్యార్థులు మాత్రమే చదువుకుంటున్నారు. వీరికి ఇద్దరు టీచర్లున్నారు. ఈ మధ్య సీఎం రేవంత్రెడ్డి కలెక్టర్లను ఫీల్డ్ విజిట్ చేయాలని ఆదేశించిన నేపథ్యంలో కలెక్టర్ సత్యశారద నెక్కొండలోని టీజీఎస్ఆర్జేసీ, అంగన్వాడీ సెంటర్లు, ఎంపీడీవో ఆఫీసు, అప్పల్రావుపేట జడ్పీఎస్ఎస్, బొల్లికొండలోని పీఎస్ను శుక్రవారం ఆకస్మికంగా తనిఖీ చేశారు. ఈ సందర్భంగా బొల్లికొండ స్కూల్లో ఇద్దరు టీచర్లకు ఒక్కరే స్కూడెంట్ ఉండడంతో ఆశ్చర్యపోయారు.
రిజిస్టర్లో మాత్రం ఆరుగురు స్టూడెంట్లు ఉండడం, ఒక్కరు మాత్రమే రావడంతో మిగతా ఐదుగురు ఎక్కడా అని ప్రశ్నించారు. వారు రాలేదని చెప్పడంతో అసహనం వ్యక్తం చేశారు. ఐదు తరగతులకు ఆరుగురు స్టూడెంట్స్ ఉండటం ఏంటని ప్రశ్నించారు. ప్రతిరోజు ఫీల్డ్విజిట్ చేసి స్టూడెంట్స్ సంఖ్యను పెంచాలన్నారు. నెక్కొండ పీహెచ్సీ సెంటర్లో స్టాఫ్ లేకపోవడంతో డాక్టర్కు షోకాజ్ నోటీసు జారీ చేస్తున్నట్లు చెప్పారు. వెంట తహసీల్దార్ రాజ్కుమార్, ఆర్ఐ నరేందర్ ఉన్నారు.