నారాయణపేట, వెలుగు: జిల్లాలో భూసేకరణను త్వరగా పూర్తి చేయాలని కలెక్టర్ సిక్తా పట్నాయక్ సూచించారు. బుధవారం తన ఛాంబర్ లో పెండింగ్ లో ఉన్న భూసేకరణ పనులపై అడిషనల్ కలెక్టర్ అశోక్ కుమార్, స్పెషల్ డిప్యూటీ కలెక్టర్ సీహెచ్ విశాలాక్షి, ఎస్డీసీ అధికారులతో సమీక్ష జరిపారు.
రాజీవ్ ఎత్తిపోతల పథకం–-1 కింద 82.35 ఎకరాల భూసేకరణకు సంబంధించిన పరిహారం డబ్బులు రైతులకు అందాయా? లేదా అని అడిగి తెలుసుకున్నారు. మిగిలిన భూసేకరణను స్పీడప్ చేయాలన్నారు. కోయిల్ సాగర్ ప్రాజెక్టు పరిధిలో భూసేకరణపై ఆరా తీశారు. నీటిపారుదల శాఖ అధికారులతో సమన్వయం చేసుకుంటూ భూసేకరణ కంప్లీట్ చేయాలన్నారు.
