నారాయణపేట, వెలుగు: ప్రతి ఒక్కరూ మొక్కలు నాటి పర్యావరణాన్ని కాపాడాలని కలెక్టర్ సిక్తా పట్నాయక్ సూచించారు. గురువారం మండలంలోని సింగారం గ్రామంలోని ప్రైమరీ, హైస్కూల్ ఆవరణలో పంచాయతీరాజ్, గ్రామీణ అభివృద్ధి శాఖ ఆధ్వర్యంలో ఏర్పాటు చేసిన వన మహోత్సవ కార్యక్రమంలో పాల్గొని మొక్కలు నాటారు. ప్రతి ఇంటిలో మొక్కలు నాటడంతో వర్షాలు సకాలంలో కురుస్తాయని తెలిపారు. డీఆర్డీవో మొగులప్ప పాల్గొన్నారు.
ఊట్కూర్: ప్రభుత్వ పాఠశాలలో చదువుతున్న విద్యార్థుల సామర్థ్యం బాగుందని కలెక్టర్ సిక్తా పట్నాయక్ టీచర్లను అభినందించారు. మండల కేంద్రంలోని ప్రైమరీ స్కూల్లో జీపీఎస్ ను పరిశీలించారు. ఐదో తరగతి స్టూడెంట్ల సామర్థ్యాన్ని పరిశీలించారు. ఇంగ్లిష్పై పట్టు చూసి సంతృప్తి వ్యక్తం చేశారు. ఏమైనా సమస్యలు ఉంటే తన దృష్టికి తీసుకురావాలని సూచించారు. ఏఎంవో విద్యాసాగర్, ఎస్ వో శ్రీనివాస్, తహసీల్దార్ రవి, ఎంపీడీవో ధనుంజయ, హెచ్ఎం పద్మ, అనిత పాల్గొన్నారు.
