- కలెక్టర్ తేజస్ నందలాల్ పవార్
సూర్యాపేట, వెలుగు : ప్రభుత్వ భూములను అక్రమిస్తే కఠిన చర్యలు తప్పవని కలెక్టర్ తేజస్ నందలాల్ పవార్ శుక్రవారం ఒక ప్రకటనలో హెచ్చరించారు. హుజూర్ నగర్ రెవెన్యూ డివిజన్ పరిధిలోని బూరుగడ్డ గ్రామ ప్రభుత్వ భూమిని అక్రమంగా ఇతరులకు బదిలీ చేసిన కంప్యూటర్ఆపరేటర్ వత్సవాయి జగదీశ్ను టర్మినేట్ చేసినట్లుగా తెలిపారు.
హుజుర్ నగర్ మండలంలోని ప్రభుత్వ భూముల వివరాలను పరిశీలించిన కలెక్టర్ కు అనుమానం వచ్చి బూరుగడ్డ రెవెన్యూ రికార్డులను పరిశీలించాల్సిందిగా ఆర్డీవో శ్రీనివాస్ను ఆదేశించారు.
బూరుగడ్డ గ్రామాల్లోని సర్వే నంబర్లు 439, 604 ,602 ,608, 1041, 1041 గల ప్రభుత్వ భూమిని కంప్యూటర్ ఆపరేటర్ తన బంధువుల పేర్లపై మార్పిడి చేసినట్టుగా గుర్తించారు. బూరుగడ్డ హుజూర్నగర్ లోని మొత్తం 36 ఎకరాల 23 గుంటల భూమిని నిబంధనలకు విరుద్ధంగా ప్రభుత్వ పోర్టల్లో నమోదు చేసినట్లు విచారణలో తేలింది.
నవంబర్ 2019 నుంచి ఫిబ్రవరి 2020 మధ్య కాలంలో కంప్యూటర్ఆపరేటర్ తమ బంధువుల పేరుపై ఆ భూములను మార్పిడి చేశారని అప్పటి తహసీల్దార్, ఇతర అధికారులపై కూడా విచారణ జరిపించాలని అడిషనల్ కలెక్టర్ బీఎస్ లతను విచారణ అధికారిగా నియమించినట్లు కలెక్టర్ నియమించారు. ప్రభుత్వ భూములను ఆక్రమిస్తే ఉపేక్షించేది లేదని కలెక్టర్ తెలిపారు.
