వనపర్తి, వెలుగు: జిల్లాలోని అంగన్ వాడీ కేంద్రాలను పకడ్బందీగా నిర్వహించాలని కలెక్టర్ తేజస్ నందలాల్ పవార్ సూచించారు. బుధవారం కలెక్టరేట్లో డీడబ్ల్యూవో, సీడీపీవోలు, అంగన్వాడీ సూపర్ వైజర్లతో రివ్యూ మీటింగ్ నిర్వహించారు.ఈ సందర్భంగా కలెక్టర్ మాట్లాడుతూ జిల్లాలోని అన్ని అంగన్వాడీ సెంటర్ల పరిధిలో ఎత్తుకు తగిన బరువు లేని పిల్లలను పీహెచ్ సీకి పంపించి ఆరోగ్య పరీక్షలు చేయించాలన్నారు.
ఆశా వర్కర్లతో అంగన్వాడీ కార్యకర్తలు సమన్వయం చేసుకోవాలని సూచించారు. ప్రతి సెంటర్లో గర్భిణులు, బాలింతలతో కమిటీ ఏర్పాటు చేసి ప్రతి నెలా పోషకాహారంపై సమావేశం నిర్వహించాలన్నారు. సెంటర్లలో సమస్యలు ఉంటే తన దృష్టికి తేవాలని, వాటిని వెంటనే పరిష్కరిస్తానని చెప్పారు. బియ్యం పంపిణీలో ఆలస్యమవుతోందని సూపర్వైజర్లు తెలపగా, ఇలాంటి సమస్య రాకుండా చూడాలని పౌర సరఫరాల అధికారులకు సూచించారు. డీఎంహెచ్వో జయ చంద్రమోహన్, డీడబ్ల్యూవో లక్ష్మీబాయి, డీఎస్వో శ్రీనాథ్, సీడీపీవోలు, సూపర్వైజర్లు పాల్గొన్నారు.
