నాగర్ కర్నూల్ టౌన్, వెలుగు: ఈవీఎంల మొదటి ర్యాండమైజేషన్ పూర్తి చేసి రిటర్నింగ్ ఆఫీసర్లకు అప్పగించినట్లు నాగర్కర్నూల్ కలెక్టర్ ఉదయ్ కుమార్ తెలిపారు. శుక్రవారం కలెక్టరేట్ కాన్ఫరెన్స్ హాల్లో వివిధ రాజకీయ పార్టీల ప్రతినిధుల సమక్షంలో ఈవీఎంలను రిటర్నింగ్ ఆఫీసర్లకు అప్పగించారు.రిటర్నింగ్ ఆఫీసర్లు కుమార్ దీపక్, వెంకట్ రెడ్డి, గోపిరాం, ఈవీఎం నోడల్ ఆఫీసర్ కె సీతారామారావు, జాకీర్ అలీ, రఘు పాల్గొన్నారు.
గద్వాల: ఎన్నికలకు సంబంధించి ఈవీఎంల మొదటి రాండమైజేషన్ ప్రక్రియ పూర్తి చేసినట్లు గద్వాల కలెక్టర్ వల్లూరు క్రాంతి తెలిపారు. ఐడీవోసీ వీడియో కాన్ఫరెన్స్ హాల్లో వివిధ రాజకీయ పార్టీల ప్రతినిధుల సమక్షంలో కంట్రోల్, బ్యాలట్ యూనిట్లు, వీవీ ప్యాట్ల రాండమైజేషన్ నిర్వహించారు. అడిషనల్ కలెక్టర్లు చీర్ల శ్రీనివాస్, అపూర్వ్ చౌహాన్, ఆర్డీవో చంద్రకళ, తహసీల్దార్ నరేందర్, సి సెక్షన్ సూపరింటెండెంట్ నరేశ్ పాల్గొన్నారు.
మహబూబ్ నగర్ కలెక్టరేట్: ఎన్నికల సందర్భంగా ఏర్పాటు చేసిన సి విజిల్ ఫిర్యాదుల విభాగంలో ఉద్యోగులు అప్రమత్తంగా ఉండాలని కలెక్టర్ జి.రవినాయక్ అన్నారు. కలెక్టరేట్ మీటింగ్ హాల్లో సి విజిల్ యాప్ పర్యవేక్షణకు నియమించిన 24 గంటల సిబ్బందితో సమావేశం నిర్వహించారు. అనంతరం కలెక్టరేట్ ఆవరణలోని ఈవీఎంల ర్యాండమైజేషన్ ప్రక్రియను వివిధ రాజకీయ పార్టీల ప్రతినిధుల సమక్షంలో నిర్వహించారు. అడిషనల్ కలెక్టర్ ఎస్. మోహన్ రావు, ఆర్డీవో అనిల్ కుమార్, స్పెషల్ కలెక్టర్ నటరాజ్ పాల్గొన్నారు.
నారాయణపేట: ఎన్నికలలో పీవో, ఏపీవోలదే కీలకపాత్ర అని మహబూబ్నగర్ కలెక్టర్ కోయ శ్రీహర్ష పేర్కొన్నారు. శుక్రవారం డీఆర్డీఏ స్కిల్ డెవలప్మెంట్ సెంటర్ లో పీవో, ఏపీవోల ట్రైనింగ్ కార్యక్రమంలో ఆయన మాట్లాడారు. పోలింగ్ సందర్భంగా తీసుకోవాల్సిన జాగ్రత్తలపై దృష్టి పెట్టాలని, హ్యాండ్ బుక్ లోని అన్ని నియమాలను పాటించాలని సూచించారు. . ఆర్డీవోరాంచందర్, డీఆర్డీవో గోపాల్ నాయక్, డీబీసీడీవో కృష్ణమాచారి, డీఈవో ఘని పాల్గొన్నారు.
