గద్వాల, వెలుగు : ఎన్నికల లెక్కింపు అనంతరం సామగ్రికి పటిష్ట భద్రత కల్పించినట్లు కలెక్టర్ వల్లూరు క్రాంతి తెలిపారు. మంగళవారం గోనుపాడు సమీపంలోని ప్రభుత్వ పాలిటెక్నిక్ కాలేజీలో గద్వాల, అలంపూర్ నియోజవర్గాలకు సంబంధించిన ఎన్నికల మెటిరియల్ను ట్రంక్ పెట్టెల్లో భద్రపరచి రాజకీయ పార్టీ ప్రతినిధుల సమక్షంలో సీల్ వేశారు.
భద్రత కట్టుదిట్టంగా ఉండేలా చర్యలు తీసుకున్నామని కలెక్టర్ తెలిపారు. అడిషనల్ కలెక్టర్లు అపుర్వ్ చౌహాన్, శ్రీనివాసులు ,ఆర్డీవో చంద్రకళ, ఎస్డీసీ సుబ్రహ్మణ్యం, తహసీల్దార్లు నరేందర్, సరితారాణి, సూపరింటెండెంట్ నరేశ్ పాల్గొన్నారు.
