మమబూబ్ నగర్ కలెక్టరేట్, వెలుగు: తెలంగాణ ప్రజా పాలన దినోత్సవం సందర్భంగా ఏర్పాట్లు పూర్తి చేసినట్లు కలెక్టర్ విజయేందిర బోయి తెలిపారు. ఈ నెల 17న ఉదయం 9:15కు ఆర్అండ్ బీ గెస్ట్హౌస్ సమీపంలోని అమరవీరుల స్థూపం వద్ద మంత్రి జూపల్లి కృష్ణారావు నివాళులు అర్పిస్తారని, 10 గంటలకు కలెక్టరేట్ లో జాతీయ పతాకాన్ని ఆవిష్కరిస్తారని చెప్పారు.
వనపర్తి: తెలంగాణ ప్రజాపాలన దినోత్సవానికి వనపర్తి కలెక్టరేట్లో ఏర్పాట్లు పూర్తి చేశారు. బిల్డింగ్ను ముస్తాబు చేశారు. తెలంగాణ స్టేట్ షెడ్యూల్డ్ క్యాస్ట్స్ కో -ఆపరేటివ్ డెవలప్మెంట్ కార్పొరేషన్ లిమిటెడ్ చైర్మన్ప్రీతమ్ జాతీయ జెండాను ఎగురేస్తారు. స్వాతంత్ర్య సమరయోధులు, తెలంగాణ అమరవీరుల కుటుంబ సభ్యులను సన్మానిస్తారు.నాగర్ కర్నూల్ టౌన్: నాగర్ కర్నూల్ కలెక్టరేట్లో ప్రజాపాలన దినోత్సవం సందర్భంగా జాతీయ పతాకావిష్కరణకు ఏర్పాట్లు పూర్తి చేసినట్లు కలెక్టర్ బదావత్ సంతోష్ తెలిపారు. ప్రణాళిక సంఘం ఉపాధ్యక్షుడు జి. చిన్నారెడ్డి ఉదయం 10 గంటలకు జాతీయ పతాకాన్ని ఆవిష్కరించనున్నట్లు తెలిపారు. చీఫ్ గెస్ట్ సందేశం, విద్యార్థుల ఆధ్వర్యంలో సాంస్కృతిక కార్యక్రమాలు ఉంటాయని చెప్పారు. ప్రజా ప్రతినిధులు, జిల్లా అధికారులు, ప్రజలు పాల్గొని సక్సెస్ చేయాలని కోరారు.
