భూపాలపల్లి అర్బన్ /మహాముత్తారం, వెలుగు : భూపాలపల్లి కలెక్టరేట్ ను అక్టోబర్ ఫస్ట్ వీక్ లో సీఎం కేసీఆర్ చేతుల మీదుగా ప్రారంభించనున్నట్లు కలెక్టర్ భవేశ్ మిశ్రా చెప్పారు. కొత్త కలెక్టరేట్ లో గురువారం జిల్లా ఆఫీసర్లతో రివ్యూ నిర్వహించారు. ఈ సందర్భంగా ఆయన మాట్లాడుతూ జిల్లా ఆఫీసర్లు తమ సిబ్బందికి తగ్గట్లుగా ఆఫీస్ రూమ్స్ , ఫర్నీచర్ ఉండేలా చూసుకోవాలన్నారు.
ఆఫీసర్లు తమకు కేటాయించిన ఆఫీస్ లోకి సామగ్రిని తరలించుకోవాలని చెప్పారు. కార్యక్రమంలో అడిషనల్ కలెక్టర్ వెంకటేశ్వర్లు, అసిస్టెంట్ కలెక్టర్ ఉమా శంకర్ ప్రసాద్ పాల్గొన్నారు. అనంతరం మహాముత్తారం, పలిమెలలో జరిగిన కార్యక్రమంలో పాల్గొన్నారు.
