వెలుగు, నెట్వర్క్ : యువత మత్తు పదార్థాలకు దూరంగా ఉండాలని, సమాజంలో డ్రగ్స్, గంజాయిని నిర్మూలించేందుకు ప్రతీ ఒక్కరూ కృషి చేయాలని కలెక్టర్లు, ఎస్పీలు కోరారు. బుధవారం అంతర్జాతీయ మాదక ద్రవ్యాల నిర్మూలనా దినోత్సవం సందర్భంగా ఉమ్మడి జిల్లా వ్యాప్తంగా అధికారులు, పోలీసులు ర్యాలీలు, అవగాహన కార్యక్రమాలు నిర్వహించారు.
కరీంనగర్లోని శ్రీ చైతన్య ఇంజనీరింగ్ కళాశాలలో ఏర్పాటు చేసిన అవగాహన కార్యక్రమానికి కలెక్టర్ పమేలా సత్పతి హాజరయ్యారు. గోదావరిఖని లో రామగుండం పోలీస్ కమిషనర్ ఎం.శ్రీనివాస్ , జగిత్యాలలో ఎస్పీ అశోక్ కుమార్ , సిరిసిల్లలో ఎస్సీ అఖిల్ మహాజన్ , అడిషనల్ కలెక్టర్ చందయ్య ఆధ్వర్యంలో పోలీసులు ర్యాలీలు నిర్వహించారు. అనంతరం డ్రగ్స్ నివారణకు కృసి చేస్తామని ప్రతిజ్ఞలు చేశారు. కేశవపట్నం, రాయికల్, కోరుట్ల, జమ్మికుంటలో అధికారులు విద్యార్థులు కాలేజీల్లో, స్కూళ్లలో అవగాహన కల్పించారు.
