- అత్యధికంగా హనుమకొండ జిల్లాలో 193 దరఖాస్తులు
- కలెక్టరేటర్లలో అర్జీలు స్వీకరించిన ఆయా జిల్లాల కలెక్టర్లు
హనుమకొండ/ మహబూబాబాద్/ జనగామ అర్బన్/ ములుగు, వెలుగు: ప్రతి సోమవారం కలెక్టరేట్లలో నిర్వహించే ప్రజావాణి కార్యక్రమంలో ప్రజల నుంచి స్వీకరించిన దరఖాస్తుల్లోని సమస్యలను త్వరగా పరిష్కరించాలని ఆయా జిల్లాల కలెక్టర్లు అధికారులను ఆదేశించారు. సోమవారం కలెక్టరేట్లలో ఏర్పాటు చేసిన గ్రీవెన్స్ ప్రోగ్రాంలో కలెక్టర్లు ఫిర్యాదులను స్వీకరించారు. హనుమకొండ కలెక్టర్ప్రావీణ్య అడిషనల్ కలెక్టర్లు రాధిక గుప్తా, వెంకట్రెడ్డి, డీఆర్వో వైవీ గణేశ్తో కలిసి 193 దరఖాస్తులను స్వీకరించారు.
మహబూబాబాద్లో కలెక్టర్ అద్వైత్ కుమార్ సింగ్ పాల్గొని అడిషనల్ కలెక్టర్ డేవిడ్తో కలిసి 173 దరఖాస్తులు స్వీకరించగా, జనగామలో కలెక్టర్ రిజ్వాన్బాషా షేక్ఆధ్వర్యంలో అడిషనల్ కలెక్టర్ రోహిత్ సింగ్ తో కలిసి 71 ఫిర్యాదులు స్వీకరించారు. ములుగు కలెక్టరేట్ లో కలెక్టర్ దివాకర టీఎస్ అడిషనల్ కలెక్టర్లు శ్రీజ, సీహెచ్.మహేందర్ జీ, ఆర్డీవో సత్యపాల్ రెడ్డితో కలిసి 45 దరఖాస్తులు తీసుకున్నారు. ఈ సందర్భంగా వారు ఆయా జిల్లాల అధికారులతో మాట్లాడుతూ ప్రజావాణిలో స్వీకరించిన దరఖాస్తులను వెంటనే పరిష్కరించాలని ఆదేశించారు. కార్యక్రమంలో ఆయా జిల్లాల వివిధ శాఖల అధికారులు పాల్గొన్నారు.
