- కలెక్టర్లు రాజీవ్ గాంధీ, జితేశ్ పాటిల్
నిజామాబాద్, వెలుగు : ఎన్నికలు సమీపిస్తున్న వేళ నిఘా టీమ్లు మరింత అలర్ట్గా ఉండాలని నిజామాబాద్ కలెక్టర్ రాజీవ్ గాంధీ హన్మంతు, కామారెడ్డి కలెక్టర్ జితేశ్ వీ పాటిల్ఆదేశించారు. శనివారం ఆయా జిల్లాల కలెక్టరేట్లలో నోడల్ఆఫీసర్లతో నిర్వహించిన సమావేశాల్లో వారుమాట్లాడారు. నిజామాబాద్లో కలెక్టర్ రాజీవ్ గాంధీ మాట్లాడుతూ.. అధునాతన ఎఫ్ఎస్టీ, ఎస్ఎస్టీ టీమ్ వెహికల్స్కు పీటీజెడ్కెమెరాలు ఏర్పాటు చేసి కంట్రోల్ రూమ్ ద్వారా మానిటరింగ్ చేస్తున్నామన్నారు. ఎన్నికల కమిషన్ నుంచి పరిశీలకులుగా వచ్చిన ఆఫీసర్లకు పవర్పాయింట్ప్రజెంటేషన్ ద్వారా జిల్లాలో ఎన్నికల సన్నద్ధత గురించి వివరిచారు. రూ.కోటి.85 వేల మద్యం, రూ.3.82 కోట్ల నగదు, రూ.78 లక్షల విలువ బంగారాన్ని పట్టుకున్నామన్నారు.
గ్రీవెన్స్సెల్ పరిశీలనతో వాస్తవాలు తెలుసుకొని నగదు వాపస్ ఇస్తున్నామన్నారు. పోటీ చేస్తున్న అభ్యర్థుల ఖర్చును లెక్కించే కమిటీలు నివేదికలు అందిస్తున్నాయన్నారు. పక్క రాష్ట్ర పోలీసులతో కోఆర్డినేషన్ ఓటింగ్ ప్రక్రియ సజావుగా ముగించడానికి అన్ని చర్యలు తీసుకుంటున్నామని సీపీ కల్మేశ్వర్ సింగన్ వార్ తెలిపారు. మహారాష్ట్రలోని నాందేడ్ పోలీసులతో సమన్వయం ఏర్పాటు చేసుకున్నామన్నారు. కామారెడ్డిలో కలెక్టర్ జితేశ్ వీ పాటిల్మాట్లాడుతూ.. ఎన్నికల ప్రవర్తనా నియమావళి సక్రమంగా అమలు జరిగేలా చూడాలన్నారు.
ఎన్నికల నిర్వహణలో భాగంగా మైక్రో అబ్జర్వర్ల నియమాకం కోసం శనివారం ర్యాండమైజేషన్ ప్రక్రియను చేపట్టారు. కలెక్టరేట్లో ఎన్నికల జనరల్అబ్జర్వర్లు చిఫంగ్అర్థుర్పర్చూయియో, జగదీశ్, కలెక్టర్ జితేశ్ వీ పాటిల్ సమక్షంలో ర్యాండమైజేషన్ చేశారు. పోలింగ్కేంద్రాల్లో పర్యవేక్షణ కోసం 126 మంది మైక్రో అబ్జర్వర్లు అవసరముండగా 29 శాతం అధికంగా 164 మందిని సెలక్ట్ చేసినట్లు కలెక్టర్ తెలిపారు. సీనియర్ ఐఏఎస్అధికారులు గౌతమ్సింగ్, సుబ్రా చక్రవర్తి, లలిత్
నారాయణ్సింగ్ పాల్గొన్నారు.
