రామచంద్రాపురం, వెలుగు: పైసా పైసా కూడబెట్టి కష్టపడి కొనుక్కున్న ప్లాట్లను కొంతమంది కబ్జా చేస్తున్నారని కొల్లూర్లక్ష్మీపురం కాలనీవాసులు ఆవేదన వ్యక్తం చేశారు. ఆదివారం లక్ష్మీపురం లేఔట్వద్దకు దాదాపు 500 మంది ప్లాట్ ఓనర్స్చేరుకొని నిరసన చేపట్టారు. అనంతరం ర్యాలీగా వెళ్లి కొల్లూర్పోలీసులకు ఫిర్యాదు చేశారు. ఈ సందర్భంగా ఓనర్స్వెల్ఫేర్అసోసియేషన్ నాయకులు నర్సింహా మూర్తి, మోహన్ రావు, సుబ్రహ్మణ్యం మాట్లాడుతూ.. కొల్లూర్ సర్వే నంబర్172, 174, 175, 176, 180, 184, 186, 190 లలో ఏర్పాటు చేసిన లక్ష్మీపురం లేఔట్లలో1984 లోనే ప్లాట్లను కొనుగోలు చేశామని తెలిపారు.
35 ఏళ్లుగా పొజిషన్లో ఉన్న తమ ప్లాట్లను కొంతమంది బడాబాబులు తప్పుడు పత్రాలతో ఆక్రమించుకోవాలని కుట్రలు చేస్తున్నట్లు ఆరోపించారు. తప్పుడు డెత్సర్టిఫికెట్స్తయారు చేసి దాదాపు 1300 మంది పేదల పొట్టలు కొట్టేందుకు ప్రయత్నాలు చేస్తున్నారని మండిపడ్డారు. తమకు అనుకూలంగా కోర్టులో, లోకాయుక్తాలో ఆర్డర్లు జారీ అయినా సదరు అక్రమార్కులు తమపై గుండాలతో దౌర్జన్యాలు చేస్తున్నారని ఆరోపించారు.
లోకల్ రెవెన్యూ అధికారులు కూడా కబ్జాదారులకు అనుకూలంగా వ్యవహరిస్తున్నారని వెంటనే తమ ప్లాట్లను కాజేయాలనుకునే వారిపై చర్యలు తీసుకోవాలని వారు పోలీసులను కోరారు. ఈ విషయంపై 2022లో రామచంద్రాపురం పోలీసులకు ఫిర్యాదు చేశామని, కేసులు నమోదైనా వారిపై నేటికీ చర్యలు తీసుకోలేదని వాపోయారు. త్వరలోనే సీఎం రేవంత్ రెడ్డిని కలసి ఫిర్యాదు చేస్తామని
చెప్పారు.
