సుహాస్ నటించిన 'కలర్ ఫోటో' డైరెక్టర్ సందీప్ రాజ్ త్వరలోనే బ్యాచిలర్ లైఫ్కి గుడ్ బై చెప్పనున్నారు. పలు యూట్యూబ్ షార్ట్ ఫిలిమ్స్తో పాటు పలు సినిమాల్లో హీరోయిన్గా నటించిన చాందిని రావు అనే నటిని ప్రేమించి పెళ్లి చేసుకోబోతున్నాడు.
నటి చాందినీ రావుతో సందీప్ ఎంగేజ్‌మెంట్‌ సోమవారంనవంబర్ 11న గ్రాండ్‌గా జరిగింది. నిశ్చితార్థంకు సంబంధించిన ఫోటోలను సందీప్ అండ్ చాందినీ తమ ఇన్‌స్టాలో షేర్ చేశారు. ప్రస్తుతం వీరి ఫొటోలు సోషల్‌ మీడియాలో వైరల్ అవుతున్నాయి. కాగా సందీప్-చాందిని ఎంగేజ్‌మెంట్‌ వైజాగ్ బీచ్ రిసార్ట్లో జరిగినట్టు సమాచారం. డిసెంబర్ 7న తిరుమల తిరుపతి దేవస్థానం నందు ఇరువురి పెద్దల సమక్షంలో ఈ జంట పెళ్లి చేసుకోబోతున్నట్లు తెలుస్తోంది.
సందీప్ రాజ్ తీసిన 'కలర్ ఫొటో', 'హెడ్స్ అండ్ టేల్స్' వెబ్ సిరీస్‌లో చాందిని నటించింది. అలా వీళ్లిద్దరి పరిచయం కాస్తా ప్రేమకు దారితీసింది. ఇక త్వరలో మూడుముళ్లతో ఒక్కటవ్వబోతుంది.
ఇక చాందిని రావు సినిమాల విషయానికి వస్తే.. కలర్ ఫొటో, ‘హెడ్స్ అండ్ టేల్స్’తో పాటు రణస్థలి, రంగస్థలం సినిమాల్లో నటించింది.ఫేమస్ వెబ్ సిరీస్ పెళ్లి గోల సీజన్ 2లోను నటించి మంచి గుర్తింపు తెచ్చుకుంది.
సందీప్ రాజ్ సినిమాల విషయానికి వస్తే.. ఎన్నో మంచి షార్ట్ ఫిల్మ్స్‌ చేసి సినిమాల్లోకి అడుగుపెట్టాడు. సందీప్ డైరెక్ట్ చేసిన కలర్ ఫోటో సూపర్ హిట్ అయ్యింది. అయితే ఈ సినిమా ఇటు మ్యూజికల్ గా, అటు కమర్షియల్గా మంచి హిట్ అయ్యింది. అంతేగాకుండా సందీప్ రాజ్కి నేషనల్ అవార్డు కూడా తెచ్చిపెట్టింది. కాగా ప్రస్తుతం సుమ కనకాల తనయుడు రోషన్ కనకాలతో 'మోగ్లీ' అనే చిత్రాన్ని తెరకెక్కిస్తున్నాడు.
