మిర్యాలగూడ, వెలుగు : మిర్యాలగూడ పట్టణంలోని రాంచంద్రగూడెం బైపాస్ రోడ్డులోని శ్రీనిధి కాలనీలో కిరాణ షాపును నడుపుతున్న మహిళ మెడలో నుంచి మంగళవారం ఓ దుండగుడు పుస్తెల తాడును బలవంతంగా లాక్కెళ్లాడు. మహిళ నడిపిస్తున్న షాపుకు మూడ్రోజులుగా వస్తున్న ఓ ముగ్గురు వ్యక్తుల్లో ... ఒకరూ సిగరేట్ కావాలని అడిగారు. మహిళ సిగరేట్ ఇచ్చేందుకు లోపలకి వెళ్తుండగా .. ఆమె మెడలోని మూడు తులాల బంగారు పుస్తెల తాడును లాక్కుని బైక్పై పరారయ్యారు.
సదరు వ్యక్తులు తాము సెంట్రింగ్ పనిచేస్తున్నట్లు చెప్పారని బాధితురాలు పేర్కొంది. ఇదే విషయమై స్థానికుల ద్వారా సమాచారం అందుకున్న టూటౌన్ సీఐ నర్సింగరావు, ఎస్ఐ సైదిరెడ్డి ఘటన స్థలానికి వెళ్లి వివరాలు సేకరించారు.
