న్యూఢిల్లీ: హెల్త్ ఇన్సూరెన్స్ క్లెయిమ్లు తొందరగా పరిష్కారం చేసేందుకు త్వరలో నేషనల్ హెల్త్ క్లెయిమ్స్ ఎక్స్చేంజీని తెస్తున్నట్లు ఇన్సూరెన్స్ రెగ్యులేటరీ డెవలప్మెంట్ అథారిటీ (ఐఆర్డీఏ) చైర్మన్ దేబాశిష్ పాండా వెల్లడించారు. ఈ కొత్త ప్లాట్ఫామ్ను నేషనల్ హెల్త్ అథారిటీ (ఎన్హెచ్ఏ) తో కలిసి తేనున్నట్లు చెప్పారు. ఇన్సూరెన్స్ కంపెనీలను ఈ ప్లాట్ఫామ్కి తెచ్చే పనులు ప్రస్తుతం సాగుతున్నాయని పేర్కొన్నారు. కొత్త ప్లాట్ఫామ్ వల్ల హెల్త్ఇన్సూరెన్స్ క్లెయిమ్స్ పరిష్కారం సాఫీగా, వేగంగా జరగడానికి అవకాశం కలుగుతుందన్నారు. లైఫ్, జనరల్ ఇన్సూరెన్స్ కౌన్సిల్స్ కూడా ఈ ప్రాజెక్టులో భాగం పంచుకుంటున్నట్లు తెలిపారు.
ALSO READ:ఉస్మానియా ఆస్పత్రిలో రోగులు ఉక్కిరిబిక్కిరి.. డాక్టర్లు తీవ్ర ఇబ్బందులు
ఆయుష్మాన్ భారత్ డిజిటల్ మిషన్ (ఏబీడీఎం) కింద నేషనల్ హెల్త్క్లెయిమ్స్ ఎక్స్చేంజీ ఏర్పాటును సెప్టెంబర్ 2022 లోనే ప్రకటించారు. సీనియర్ సిటిజెన్స్కు హెల్త్ ఇన్సూరెన్స్ రెన్యువల్ ప్రీమియం భారీగా పెరగడాన్ని ప్రస్తావిస్తూ, అందరు స్టేక్హోల్డర్లు కలిసి ఈ ప్రీమియం తగ్గేలా ప్రయత్నించాలని పిలుపు ఇచ్చారు. గత మూడేళ్లలో దేశంలో ఆరు కోట్ల క్లెయిమ్స్కు మొత్తం రూ. 1.83 లక్షల కోట్లను ఇన్సూరెన్స్ కంపెనీలు చెల్లించినట్లు దేబాశిష్ పాండా వెల్లడించారు. 2022–23 లోనే 2.4 కోట్ల క్లెయిమ్స్ కింద రూ. 70 వేల కోట్లను సెటిల్ చేసినట్లు తెలిపారు.
