న్యూఢిల్లీ : కమర్షియల్ ఎల్పీజీ రేటు పెరిగింది. అంతర్జాతీయ చమురు ధరల ట్రెండ్‌‌‌‌‌‌‌‌‌‌‌‌‌‌‌‌లకు అనుగుణంగా 19 కిలోల సిలిండర్‌ ధర రూ. 48.50 పెరిగింది. హోటళ్లు, రెస్టారెంట్లలో వాడే ఈ 19 కిలోల సిలిండర్‌ రూ. 1,740లకు పెరిగింది. గత మూడు నెలలుగా దీని ధర పెరుగుతూనే ఉంది. ఆగస్టులో రూ.6.5, సెప్టెంబర్లో రూ.39 చొప్పున ధరలు పెరిగాయి.
ప్రభుత్వ యాజమాన్యంలోని ఇండియన్ ఆయిల్ కార్పొరేషన్, భారత్ పెట్రోలియం కార్పొరేషన్ లిమిటెడ్, హిందుస్థాన్ పెట్రోలియం కార్పొరేషన్ లిమిటెడ్ విదేశీ సగటు ధర ఆధారంగా ప్రతి నెల మొదటి తేదీన ఏటీఎఫ్, వంట గ్యాస్ ధరలను మారుస్తాయి.
అయితే విమానాల్లో వాడే జెట్ ఇంధనం లేదా ఏటీఎఫ్ ధర 6.3 శాతం తగ్గి ఈ ఏడాది కనిష్ట స్థాయికి చేరుకుంది. ఏవియేషన్ టర్బైన్ ఫ్యూయల్ (ఏటీఎఫ్) ధర కిలోలీటర్‌‌‌‌‌‌‌‌‌‌‌‌‌‌‌‌కు రూ. 5,883 తగ్గి, దేశ రాజధానిలో రూ. 87,597.22కి పడిపోయింది.
