- ఎస్సీ డెవలప్మెంట్ కమిషనర్గా నియామకం
- ఆర్అండ్బీ స్పెషల్ సీఎస్గా వికాస్ రాజ్
- రాష్ట్రంలో 8 మంది ఐఏఎస్లు ట్రాన్స్ఫర్
హైదరాబాద్, వెలుగు: కమర్షియల్ ట్యాక్స్ కమిషనర్ టీకే శ్రీదేవిని రాష్ట్ర ప్రభుత్వం బదిలీ చేసింది. ఎస్సీ డెవలప్మెంట్ కమిషనర్గా ఆమెను నియమించింది. కమర్షియల్ ట్యాక్స్ కమిషనర్గా అదే శాఖ ప్రిన్సిపల్ సెక్రటరీగా ఉన్న రిజ్వీకి అదనపు బాధ్యతలను అప్పగించింది. రాష్ట్ర ప్రభుత్వం శనివారం 8 మంది ఐఏఎస్లను ట్రాన్స్ఫర్ చేసింది.
ఈ మేరకు సీఎస్ శాంతికుమారి ఉత్తర్వులు జారీ చేశారు. గతంలో వికాస్ రాజ్ కు ఇచ్చిన పోస్టింగ్లో స్వల్ప మార్పులు చేశారు. రవాణా, ఆర్ అండ్ బీ ప్రత్యేక ప్రధాన కార్యదర్శిగా వికాస్‌‌‌‌‌‌‌‌రాజ్‌‌‌‌‌‌‌‌ను నియమించారు. ఆర్ అండ్ బీ జాయింట్ సెక్రటరీగా ఉన్న ఎస్హరీశ్ను రెవెన్యూ (డిజాస్టార్ మేనేజ్మెంట్) జాయింట్ సెక్రటరీగా నియమించారు. మార్కెటింగ్‌ శాఖ డైరెక్టర్‌‌‌‌‌‌‌‌గా ఉదయ్‌‌‌‌‌‌‌‌కుమార్‌‌‌‌‌‌‌‌కు అదనపు బాధ్యతలు అప్పగించారు.
పురపాలక శాఖ డిప్యూటీ సెక్రటరీగా చెక్కా ప్రియాంక, హాకా ఎండీగా చంద్రశేఖర్‌‌‌‌‌‌‌‌రెడ్డి, మార్కెట్‌ ఫెడ్‌ ఎండీగా శ్రీనివాస్‌‌‌‌‌‌‌‌రెడ్డిని నియమిస్తూ సీఎస్ ఉత్తర్వులు జారీ చేశారు. ఇక కమర్షియల్ ట్యాక్స్ కమిషనర్ టీకే శ్రీదేవి బదిలీపై సెక్రటేరియెట్ వర్గాల్లో చర్చ జరిగింది. కమర్షియల్ ట్యాక్స్లో గత ప్రభుత్వ హయాంలో జరిగిన అవకతవకల విషయంలో మాజీ సీఎస్ సోమేశ్కుమార్పై కేసు నమోదైన విషయం తెలిసిందే. ఈ టైంలో ఆమెను బదిలీ చేయడం ఐఏఎస్ వర్గాల్లో చర్చకు దారితీసింది.
9 మంది తహసీల్దార్లకు డిప్యూటీ కలెక్టర్లుగా పదోన్నతి
9 మంది తహసీల్దార్లకు ప్రభుత్వం డిప్యూటీ కలెక్టర్లుగా పదోన్నతి కల్పించింది. ఈ మేరకు రెవెన్యూ ప్రిన్సిపల్ సెక్రటరీ నవీన్ మిట్టల్ శనివారం ఉత్తర్వులు జారీ చేశారు. అడహక్ ప్రమోషన్లుగా పేర్కొన్నారు. పదోన్నతి పొందిన వారిలో సీహెచ్.రామమూర్తి, టి.వెంకటేశం, కె.సుశీల, ఎం.జయమ్మ, ఏ యాదగిరి, ఎన్.నిర్మల, ఎల్.సుధా, సీహెచ్.విశాలక్షి, బి.గీత ఉన్నారు.
