- వైద్య విధాన పరిషత్ కమిషనర్ అజయ్ కుమార్
జడ్చర్ల, వెలుగు: జడ్చర్లలోని ఏరియా హాస్పిటల్లో మందులకొరతపై ప్రజల నుంచి కంప్లైంట్లు వస్తున్నాయని వైద్య విధాన పరిషత్ కమిషనర్ అజయ్ కుమార్ తెలిపారు. హాస్పిటల్కు వస్తున్న రోగులకు అన్ని రకాల మందులు అందించాలని డాక్టర్లకు సూచించారు. జడ్చర్ల ఏరియా హాస్పిటల్ను బుధవారం ఆయన తనిఖీ చేశారు. ఈ సందర్భంగా ఆయన మాట్లాడారు.
హాస్పిటల్కు జ్వరాల బారిన పడి వచ్చేవారి సంఖ్య పెరిగిందని, వారిలో డెంగ్యూ లక్షణాలు ఉన్నవారు ఎక్కువగా వస్తున్నారన్నారు. వారికి తగిన వైద్యం అందించాలన్నారు. హాస్పిటల్లో -ప్రసవాల సంఖ్య రెండు నెలలుగా పెరగక పోవడం సరైంది కాదన్నారు. సిజేరియన్లు తగ్గించి, నార్మల్ డెలివరీలు అయ్యేలా చూడాలన్నారు. -పేషంట్ అటెండర్స్ సేద తీరేందుకు కుర్చీలు, షెడ్ల నిర్మాణం చేపట్టాలన్నారు. ఏమైనా కోర్టు కేసులు ఉంటే వాటిని వెంటనే పరిష్కరించుకోవాలని ఆదేశించారు.
రాష్ట్రంలోని అన్ని -జిల్లా, ఏరియా, సీహెచ్సీల్లో ఉండాల్సిన వైద్యులు, సిబ్బంది వివరాలకు సంబంధించిన కేడర్ స్ట్రెంత్ రిపోర్టును రాష్ట్ర ప్రభుత్వానికి అందజేసినట్లు తెలిపారు. త్వరలో అన్ని ఖాళీలను భర్తీ చేస్తామన్నారు. హాస్పిటల్స్ను తనిఖీ చేసి వాటి స్థితిగతులపై ప్రభుత్వానికి నివేదిక ఇవ్వనున్నట్లు చెప్పారు. ఇందులో భాగంగానే జడ్చర్ల ఏరియా హాస్పిటల్ను విజిట్ చేశామన్నారు. లిఫ్ట్ను అందుబాటులోకి తీసుకురావాలని, పెండింగ్లో ఉన్న డైట్ బిల్లును వెంటనే మంజూరు చేయాలని ఆయన ఆదేశించారు. ఆయన వెంట ఆర్ఎంవో హరినాథ్, డాక్టర్ అర్షద్ అలీ, సూర్య, రచిత, పల్లవి, సత్యనారాయణ, రవి ఉన్నారు.
