మంచిర్యాల, వెలుగు: ఎవరైనా మహిళలపై వేధింపులకు పాల్పడితే వెంటనే షీ టీమ్ను సంప్రదించాలని రామగుండం పోలీస్ కమిషనర్ ఎం.శ్రీనివాస్ అన్నారు. స్టేట్ విమెన్ సేఫ్టీ వింగ్ ఆధ్వర్యంలో టీజింగ్, ర్యాగింగ్, వర్క్ ప్లేస్, సోషల్ మీడియా హరాస్మెంట్ పై రూపొందించిన పోస్టర్లను సోమవారం కమిషనరేట్ హెడ్ క్వార్టర్స్లో రిలీజ్ చేశారు.
తల్లిదండ్రులు రోజు కాసేపు పిల్లలతో మాట్లాడాలని, వారితో గడిపేందుకు టైమ్ కేటాయించాలని, సమాజంలోని మంచి చెడుల గురించి అర్థమయ్యేలా చెప్పాలని, పిల్లలకు గుడ్ టచ్, బ్యాడ్ టచ్ గురించి అవగాహన కల్పించాలని సూచించారు. బాధితులు అత్యవసర సమయాల్లో డయల్ 100కు కాల్ చేయాలని, లేదా షీ టీమ్స్ వాట్సాప్ 6303923700 మెసేజ్ చేయాలని అన్నారు. అడిషనల్ డీసీపీ అడ్మిన్ సీ.రాజు, స్పెషల్ బ్రాంచ్ ఏసీపీ రాఘవేంద్రరావు, మంచిర్యాల జోన్ షీ టీమ్ ఇన్చార్జి ఎస్సై హైమ పాల్గొన్నారు.
