హైదరాబాద్, వెలుగు : జీహెచ్ఎంసీ అధికారులు, ఉద్యోగులకు సెలవులను కమిషనర్ రొనాల్డ్‌ రాస్‌ రద్దు చేశారు. ఈ నెల 28 నుంచి వచ్చే నెల 6వ తేదీ వరకు నిర్వహించే ప్రజాపాలన నేపథ్యంలో ఆ రోజుల్లో సెలవులు రద్దు చేస్తున్నట్లు తెలిపారు. ఇప్పటికే సెలవులు తీసుకున్నవారు మంగళవారం జీహెచ్ఎంసీలోని సంబంధిత అధికారులకు రిపోర్ట్ చేయాలని ఆదేశించారు.
ప్రజా పాలనపై రాష్ట్ర ప్రభుత్వం ప్రత్యేక దృష్టి పెట్టడంతో గ్రేటర్లో ప్రజా పాలనను విజయవంతం చేసేందుకు కమిషనర్ చర్యలు తీసుకుంటున్నారు. ఇందులో భాగంగా 30 సర్కిల్స్ కి 30 మంది ప్రత్యేక అధికారులను నియమించారు. ఆయా సర్కిళ్లను ఎప్పటికప్పుడు పర్యవేక్షించాలని ఆదేశాలు జారీ చేశారు.
