నిహారిక కొణిదెల నిర్మాతగా యదు వంశీ దర్శకత్వంలో అంతా కొత్త వారితో రూపొందించిన చిత్రం ‘కమిటీ కుర్రాళ్ళు’. థియేటర్స్‌‌‌‌‌‌‌‌‌‌‌‌‌‌‌‌లో ఆకట్టుకున్న ఈ చిత్రం సెప్టెంబర్ 12 నుంచి ఈటీవీ విన్ ఓటీటీలో స్ట్రీమింగ్ కానుంది. ఈ సందర్భంగా నిర్వహించిన ప్రెస్‌‌‌‌‌‌‌‌‌‌‌‌‌‌‌‌మీట్‌‌‌‌‌‌‌‌‌‌‌‌‌‌‌‌లో నిహారిక మాట్లాడుతూ ‘ఈటీవీ ఢీ జూనియర్స్ షోతో నా కెరీర్‌ స్టార్ట్ చేశా.
ఇప్పుడు మా సినిమా ఈటీవీ విన్‌‌‌‌‌‌‌‌‌‌‌‌‌‌‌‌లో స్ట్రీమింగ్ అవడం సంతోషంగా ఉంది. థియేటర్స్‌ తరహాలోనే ఓటీటీలోనూ ఆదరిస్తారని కోరుకుంటున్నా’ అని చెప్పింది. కొన్ని జ్ఞాపకాలను బంధించి, అందరి బయోపిక్‌‌‌‌‌‌‌‌‌‌‌‌‌‌‌‌గా ఈ సినిమాని రూపొందించామని దర్శకుడు యదు వంశీ అన్నాడు.
ఈ విజయాన్ని స్ఫూర్తిగా తీసుకొని మంచి కంటెంట్ ఉన్న సినిమాల్లో నటిస్తామని నటీనటులు అన్నారు. ఎగ్జిక్యూటివ్ ప్రొడ్యూసర్ మన్యం రమేష్, ఈటీవీ విన్ బిజినెస్ హెడ్ సాయికృష్ణ పాల్గొన్నారు.
