- సీసీఏ తారాచంద్
భద్రాద్రికొత్తగూడెం, వెలుగు : మారుమూల ప్రాంతాల్లోని గ్రామాలకు ఇంటర్నెట్, 4జీ సేవలందించేందుకు చర్యలు చేపడుతున్నామని తెలంగాణ, ఆంధ్రప్రదేశ్ రాష్ట్రాల కంట్రోల్ అండ్ కమ్యూనికేషన్ అకౌంటింగ్ తారాచంద్ తెలిపారు. శనివారం భద్రాద్రికొత్తగూడెం కలెక్టరేట్లో కలెక్టర్ జితేశ్ వి పాటిల్తో కలిసి ఏర్పాటు చేసిన సమావేశంలో ఆయన మాట్లాడారు. ఇంటర్నెట్ 4జీ సెల్ టవర్ల అభివృద్ధి పనులు చేపడుతున్నామన్నారు.
ప్రాధాన్యతను బట్టి టవర్ల నిర్మిస్తామని చెప్పారు. ప్రజలకు మెరుగైన ఇంటర్నెట్ సేవలందించేందుకు కేంద్ర ప్రభుత్వ సాయంతో పనులు చేపడుతున్నట్లు తెలిపారు. ఈ ప్రోగ్రాంలో సీపీవో సంజీవరావు, డీపీవో చంద్రమౌళి, ఎన్ఐసీడీఐజీ సుశీల్కుమార్, బీఎస్ఎన్ఎల్డీజీఎం శ్రీనివాస్, ఏజీఎం సుధీర్, ఎస్డీఈ సక్రూ నాయక్పాల్గొన్నారు.
