మదనాపురం, వెలుగు: మదనాపురంలోని రైల్వే లెవెల్ క్రాసింగ్ గేట్లో మంగళవారం టెక్నికల్ ప్రాబ్లం రావడంతో వాహనదారులు తీవ్ర ఇబ్బందులు పడ్డారు. వనపర్తి రోడ్ రైల్వే స్టేషన్ కు రైళ్లు వచ్చిపోయే సమయంలో రైల్వే గేట్ వేస్తారు. రైలు వెళ్లిన తర్వాత గేట్ ఓపెన్ కాకపోవడంతో ఇబ్బందిపడాల్సి వచ్చింది.
రోజుకు 15 సార్లు గేటు పడుతుండగా, ప్రతిసారి గేట్ లాక్ ఓపెన్ కాకపోవడంతో 5 నుంచి 10 నిమిషాల వరకు గేట్ కు రెండువైపులా వాహనాలు నిలిచిపోతున్నాయి. 15 రోజులుగా ఈ సమస్య ఎదురవుతున్నా పట్టించుకోవడం లేదని, రైల్వే అధికారులు స్పందించి రిపేర్ చేయించాలని కోరుతున్నారు .
